Balita Hiligaynon

Gin-abisuhan ang tanan nga City kag Municipal Disaster Risk Reduction Management Council sa probinsya nga magpatuman sang tikang bilang pagpanghanda sa ginapaabot nga bagyo Ofel.Gina paabot naman ang advisory kun ini ang maga sulod na sa Philippine Area of Responsibility.Ang low pressure area, las 10 Martes sang aga, ang gin-estimate 230km East Northeast sang Borongan City, Eastern Samar. Ang LPA ang ginaforecast nga mag padulong sa northwestward sa Bicol-Region-Eastern Visayas Area.Ginapaabot nga ini ang mag develop sa Tropical Depression Ofel sa sulod sang 24 oras.Ang ginapaabot nga bagyo posible maga apekto sa Negros Occidental kag magadala sang manipis tubtob kasarangan nga ulan, kag kun kaisa mangin mabunok kag may pagpangilat kag panaguob.Sa ginpagwa nga memorandum ni...

Sa isa ka Executive Order, liwat nga ginpalawig ni Mayor Maria Gina Lizares ang moratorium sa tourism-related kag non-essential travel padulong sa Sipalay City tubtob Oktubre 31, 2020.Sa isa ka special meeting, ginkasugtan sang Sipalay City Tourism Council nga iga-suspend anay ang pagbaton sang mga turista gikan sagwa sang Sipalay City sa bilog nga bulan sang Oktubre.As of October 6, may duha ka mga barangay sa Sipalay City ang may mga kaso sang local transmission rason nga nagapati ang local IATF nga ang pagbukas sang siudad sa mga turista kasubong man non-essential travel ang maga padugang lamang sa kadamuon sang COVID-19 cases sa lugar.

File photoGinpahayag ni Bacolod Mayor Evelio Leonardia nga sa 1,665 ka mga market vendors sa siudad nga ginpaidalum sa surveillance testing sang nagligad nga weekend, 25 lamang sa ila ang nagpositibo sa virus.Suno sa alkalde, karon nga nahibaluan na sang Bacolod Emergency Operations Center nga kadama-an sa mga vendors sa tatlo ka mga dalagko nga merkado sa siudad ang negatibo sa virus, mas mapabaskug pa gid ang pagpatuman sang minimum health protocols sa mga merkado agud masiguro nga mapangapinan sila kag ang mga bumalakal sa virus.Ang mga vendor nga wala nagpasakop sa mandatory surveillance testing ang wala ginhatagan sang permission ticket ukon market pass para makasulod kag makabaligya sa ila tagsa ka mga stall sa merkado.

Nag-abiso ang San Carlos City Hospital nga temporaryo nga sirado ang Operating Room sang ospital sumugod sadtong Oktubre 11.Sa public advisory nga gin-post, maga patigayon sang decontamination kag disinfection sang O.R .Ini matapos nga may nagpostibo sa COVID-19 sa isa sa mga staff sang ospital.Sa pahayag sang Acting Chief of Hospital nga si Mary Genevieve Montano, nasaad nga luyag sang ospital nga ipasiguro nga ang basic health protocols ang nasunod samtang ginahatag ang nagakaigo nga pagtatap sa mga pasyente sini.Maga pahibalo naman ang ospital kun san-o liwat magabukas ang O.R. sini.

BY MARTIAN MUYCOKabahin sa karon sang 11 ka active COVID-19 cases sang Negros Occidental Police Provincial Office ang duha ka chiefs of police sang La Carlota kag EB Magalona PNP.Si Police Lieutenant Colonel Jonel Guadalupe, pamuno sang La Carlota PNP, kag Police Captain Wilfredo Benoman, hepe sang EB Magalona PNP, ang karon naka isolate na.Ang deputy sang tagsa ka mga police stations amo karon ang naga pungko bilang OIC sang duha ka mga police stations.Suno kay Colonel Romy Palgue, NOCPPO Provincial Director, may 20 ka mga staff sang EB Magalona PNP ang gin paidalom sa swab test kag gin quarantine man.Naga bantay sa karon sa police station ang isa ka tropa sang mobile force company para mapabilin ang kalinong sa banwa.Magluwas sa duha ka hepe sang PNP local sta...

Ginpahibalo na ni Iloilo City Mayor Jerry Trenas ang Philippine Coast Guard, MARICOM kag Philippine Ports Authority nga mahimo na sila magbaton sang pasahero gikan sa Bacolod City gani pahanugutan na ang commercial trips sang fast craft sa mga pwerto sang duha ka siudad.Suno sa alkalde, kinahanglan nga magsunod sa minimum health standards, safety protocols kag paggamit sang health declaration cards ang mga pasahero sa Bacolod nga magapadulong sa Iloilo kag amo man ang mga gikan sa Iloilo pakadto sa Bacolod.Sang nagligad nga semana, ginpahayag ni Bacolod Mayor Evelio Leonardia nga nagahulat na lang siya sang pahanugot gikan sa lokal nga pangulohan sang Iloilo para makabalik na ang commercial trips sang mga fast crafts kag roro vessels bangud pareho man lang nga yara sa General Commu...

BY MARTIAN MUYCOBCPO photoGindeklarar sang PNP nga dead on the spot ang tatlo ka mga persona nga nagasakay sa Mustang matapos magsuhot sa idalum sang truck nanga may karga sang tubo sa Circumferential Road, Barangay Villamonte, Bacolod City mga ala una kaina sang kaagahon.Nagamaneho sang salakyan ang 40 anyos nga si Stanley Flores nga tag-iya sang isa ka restaurant sa siudad kag kaupod niya sa salakyan si Wilton Porcel, 42 anyos, kag anay cameraman sang ABS-CBN Bacolod kag iya 19 anyos nga hinablos nga si Mark Wiljohn Porcel.Suno sa suod nga abyan ni Porcel, gikan sila sa isa ka birthday party kag idul-ong kuntani pauli ni Flores si Porcel kag ang iya hinablos sa Barangay Banago.Base sa report sang traffic investigator sang Police Station 4, nakabunggo ang salakyan ni F...

BioPower photoIsa ka 22-bed facility ang gin-turn-over sa Corazon Locsin Montelibano Memorial Regional Hospital sini gid lamang.Ang ginpatukod nga Emerging Infectious Diseases (EID) Field Unit sang BioPower, ThomasLloyd kaupod ang St. Scholastica’s Bacolod Alumnae Foundation kag Negrense Volunteers for Change, ang naga tuyo nga madugangan ang bed capacity sang ospital sa paghatag sini sang in-patient care sa tunga sang nagasaka nga COVID-19 cases sa probinsya.Ang airconditioned facility nga napahamtang sa tupad sang main nga hospital building ang may nagakaigo man nga hulot para sa equipment kag medical worker facilities.“The Biopower Group continues to support our communities in managing this crisis. We believe the EID Facility will expand the Regional Hospital’s capacity in p...

BY MARTIAN MUYCOArmando Armas Jr. photoPilason ang pasahero sang tricycle matapos mabungguan sang truck nga may karga nga basiyo sang ilimnon sa Bangga Cory sakop sang Barangay Taculing sa Bacolod kaina sang aga.Suno kay Police Major Ramel Sarona, hepe sang Police Station 7, nagapondo ang tricycle sa tunga sang dalan samtang naga stop pa ang traffic light, kag ang truck nga nag right turn sa Circumferential road amo ang nakabunggo sa tricycle.Gina alegar sang driver sang truck suno kay Sarona nga nadulaan sang preno ang iya ginamaneho nga truck amo kun ngaa nabunggo ini sa tricycle.Magluwas sa tricycle, may duha man ka salakyan ang naigu sang truck pero gamay lang ang damage suno sa pulis.Wala man masamaran ang driver sang tricycle suno sa PNP.

BY MARTIAN MUYCOEscalante PNP photoPatay ang 33 anyos nga si Argie Bautista matapos tiruhon sang grupo sang mga armado nga persona sa iya sini nga balay sa Barangay Malasibog sa siudad sang Escalante sang Sabado.Si Bautista ang empleyado snag siudad kag driver sang patrol car sang Escalante PNP.Suno kay Police Major Gil John Despi, pamuno sang Escalante PNP, yara lang sa gwa sang ila balay si Bautista sang mag abot ang mga armado. Nagtinghua pa siya magsulod sa ila balay ugaling ginluthang siya sang grupo.May tatlo ka igu sang bala sa likod kag isa sa ulo ang biktima suno sa pulis.Si Despi nagsiling pa nga matapos ang pag paniro, ginkuha pa sang grupo ang bag ni Bautista nga wala pa mahibaluan kun ano ang unod.Ginabulubanta napulo ka mga persona nga fully ar...