Sa pagsinapol sang Bacolod Disaster Risk Reduction Management Office kag BACIWA-PrimeWater upod sa mga punong barangay napatpat ang mga lugar nga masami naga-problema sa supply sang tubig.
Karon nga nag-nubo ang supply sang tubig tuga sang tig-ilinit nadesisyunan ang pagtalana sang dugang nga mga water tanks sa siyam ka mga barangay nga apektado.
Ginpahayag ni DRRMO Head Dr. Anna Maria Laarni Pornan nga kasubong sang nagligad nga tuig, maga-rasyon sang tubig ang siudad sa mga identified areas paagi sa mga ipahamtang nga water tanks.
Nalakip diri ang sa Barangay Cabug, Mansilingan, Estefania, Alijis, 30, Taculing, Felisa, Tangub kag Barangay Handumanan. Ginpahayag ni Mayor Albee Benitez nga halin 84 million liters a day (MLD) nga supply sang tubig, nagnubo ini 77MLD.
Mahimo antes pa matapos ang bulan sang Abril sarang ma-inject ang dugang nga 3MLD sang tubig gikan Matab-ang River bulk water supply project.