BY MARTIAN MUYCO
Kabahin sa karon sang 11 ka active COVID-19 cases sang Negros Occidental Police Provincial Office ang duha ka chiefs of police sang La Carlota kag EB Magalona PNP.
Si Police Lieutenant Colonel Jonel Guadalupe, pamuno sang La Carlota PNP, kag Police Captain Wilfredo Benoman, hepe sang EB Magalona PNP, ang karon naka isolate na.
Ang deputy sang tagsa ka mga police stations amo karon ang naga pungko bilang OIC sang duha ka mga police stations.
Suno kay Colonel Romy Palgue, NOCPPO Provincial Director, may 20 ka mga staff sang EB Magalona PNP ang gin paidalom sa swab test kag gin quarantine man.
Naga bantay sa karon sa police station ang isa ka tropa sang mobile force company para mapabilin ang kalinong sa banwa.
Magluwas sa duha ka hepe sang PNP local stations sa banwa, may siyam pa ka mga pulis kag isa ka non uniformed personnel sa idalom sang NOCPPO ang active COVID-19 cases.
26 na tanan ka NOCPPO personnel ang nag positibo sa COVID-19 kag 14 ang nag ayo na.