Shadow

25 ka mga market vendors sa Bacolod City nagpositibo sa Covid-19

File photo

Ginpahayag ni Bacolod Mayor Evelio Leonardia nga sa 1,665 ka mga market vendors sa siudad nga ginpaidalum sa surveillance testing sang nagligad nga weekend, 25 lamang sa ila ang nagpositibo sa virus.

Suno sa alkalde, karon nga nahibaluan na sang Bacolod Emergency Operations Center nga kadama-an sa mga vendors sa tatlo ka mga dalagko nga merkado sa siudad ang negatibo sa virus, mas mapabaskug pa gid ang pagpatuman sang minimum health protocols sa mga merkado agud masiguro nga mapangapinan sila kag ang mga bumalakal sa virus.

Ang mga vendor nga wala nagpasakop sa mandatory surveillance testing ang wala ginhatagan sang permission ticket ukon market pass para makasulod kag makabaligya sa ila tagsa ka mga stall sa merkado.

Secured By miniOrangeSecured By miniOrange