Gin-abisuhan ang tanan nga City kag Municipal Disaster Risk Reduction Management Council sa probinsya nga magpatuman sang tikang bilang pagpanghanda sa ginapaabot nga bagyo Ofel.
Gina paabot naman ang advisory kun ini ang maga sulod na sa Philippine Area of Responsibility.
Ang low pressure area, las 10 Martes sang aga, ang gin-estimate 230km East Northeast sang Borongan City, Eastern Samar. Ang LPA ang ginaforecast nga mag padulong sa northwestward sa Bicol-Region-Eastern Visayas Area.
Ginapaabot nga ini ang mag develop sa Tropical Depression Ofel sa sulod sang 24 oras.
Ang ginapaabot nga bagyo posible maga apekto sa Negros Occidental kag magadala sang manipis tubtob kasarangan nga ulan, kag kun kaisa mangin mabunok kag may pagpangilat kag panaguob.
Sa ginpagwa nga memorandum ni Negros Occidental Governor Eugenio Jose Lacson nga Chairperson man sang Provincial Disaster Risk Reduction Management Council, ginpaidalom sa Blue Alert Status ang mga C/MDRRMC.
Ginsiling ni Lacson sa memorandom nga magpatuman sang pro-active measures sa posible pagbaha, flash flood ukon landslide.
Nagakasayuran, suno kay Zeaphard Caelian, ang pamuno sang Provincial Disaster Management Program Division nga sa ginpasaka nga alert status magpatuman na sang tikang para mahandaan ang ginapaabot nga bagyo.
“Review sang aton nga mga contingency plans. Clean-up our waterways. Tapos inventory sang equipment sang aton mga responders kag prepare for possible flooding, kun magsulod gid man sya sa aton”, suno kay Caelian.