Shadow

CLMMRH may bag-o nga emerging infectious diseases field unit

BioPower photo

Isa ka 22-bed facility ang gin-turn-over sa Corazon Locsin Montelibano Memorial Regional Hospital sini gid lamang.

Ang ginpatukod nga Emerging Infectious Diseases (EID) Field Unit sang BioPower, ThomasLloyd kaupod ang St. Scholastica’s Bacolod Alumnae Foundation kag Negrense Volunteers for Change, ang naga tuyo nga madugangan ang bed capacity sang ospital sa paghatag sini sang in-patient care sa tunga sang nagasaka nga COVID-19 cases sa probinsya.
Ang airconditioned facility nga napahamtang sa tupad sang main nga hospital building ang may nagakaigo man nga hulot para sa equipment kag medical worker facilities.

“The Biopower Group continues to support our communities in managing this crisis. We believe the EID Facility will expand the Regional Hospital’s capacity in providing care to those recovering from COVID-19”, suno kay Arthur Aguilar, presidente sang BioPower Group.

Suno naman kay Jack Celdran, Senior Manager for Stakeholders Management – External Affairs and Corporate Social Responsibility sang BioPower Group, ang pagpatukod sang EID Field Unit ang nasandig sa guidance mismo sang medical officers sang CLMMRH.

“We support their efforts as they continue to serve our affected community members during these difficult times”, suno kay Celdran.

Damlag pa naghatag man sang mobile swabbing units kag medical equipment ang BioPower kag ThomasLloyd sa probinsya kag siudad sang Bacolod.

Ginbatun naman ang EID Facility ni OIC-Medical Center Chief, Dr. Carmelo Canto kag Dr. Franklin Tumaneng ang chief sang Hospital Emergency Incident Command.

Suno naman kay Michael Airey, ang managing director, CEO-Asia Pacific, sang ThomasLloyd Group Ltd., sila ang nagasuporta sa mga tikang para makabulig sa epekto sang pandemic.
“We support all efforts being made to alleviate the effects of the pandemic, especially with our local partners and the people of Negros Occidental. We remain steadfast in facing this challenge”, suno kay Airey.

Leave a Reply

Your email address will not be published. Required fields are marked *

Secured By miniOrangeSecured By miniOrange