Shadow

Driver sang patrol car sang Escalante PNP patay matapos tiruhon sang armado nga grupo sa iya mismo puluy-an

BY MARTIAN MUYCO

Escalante PNP photo

Patay ang 33 anyos nga si Argie Bautista matapos tiruhon sang grupo sang mga armado nga persona sa iya sini nga balay sa Barangay Malasibog sa siudad sang Escalante sang Sabado.

Si Bautista ang empleyado snag siudad kag driver sang patrol car sang Escalante PNP.

Suno kay Police Major Gil John Despi, pamuno sang Escalante PNP, yara lang sa gwa sang ila balay si Bautista sang mag abot ang mga armado. Nagtinghua pa siya magsulod sa ila balay ugaling ginluthang siya sang grupo.

May tatlo ka igu sang bala sa likod kag isa sa ulo ang biktima suno sa pulis.

Si Despi nagsiling pa nga matapos ang pag paniro, ginkuha pa sang grupo ang bag ni Bautista nga wala pa mahibaluan kun ano ang unod.

Ginabulubanta napulo ka mga persona nga fully armed ang nag patay kay Bautista suno sa kay Despi.

Dugang pa niya nga may posibilidad nga mga miyembro sang New People’s Army ang mga armado nga suspetsado.

Nagapadayon pa ang imbesitigasyon sang kapulisan kun ano ang motibo sa pag patay sa ila driver.

Leave a Reply

Your email address will not be published. Required fields are marked *

Secured By miniOrangeSecured By miniOrange