Balita Hiligaynon

Padayon ang pursuit operation sang Silay City PNP sa duha ka motorcycle-riding suspects nga responsable sa pagpaniro sang tatlo ka mga persona sa nagkalain-lain nga lugar sa Silay City Hwebes sang hapon.Nag gwa sa imbestigasyon sang Silay PNP nga bisan sin-o lang ang malabayan kag makursonadahan.. amo ang gintiro sang gunman nga backrider sa motorsiklo nga ginamaneho naman sang iya upod.Ginsiling ni Lt. Col. Mark Anthony Darroca, hepe sang Silay PNP, nakilala na ang gunman kag naka-istorya siya sa iya himata nga sang tinalikdan nga semana nga may mga nagalagas sa iya nga 20 ka tawo.Posible naga hallucinate lang ang suspek suno sa PNP.Gikan sa Sitio Beranio, Barangay Lantad sa Silay kag padulong sa Rizal Highway ang mga suspek sang ila gintiro kag naigo sa nawala nga paa ang...

Patay ang 21 anyos nga Citizen Armed Force Geographical Unit ukon CAFGU matapos aksidente nga matiruhan ang iya kaugalingon sa Brgy Sandayao, Guihulngan City sa Negros Oriental Hwebes sang kaagahon.Sa inisyal nga report sang PNP, ang biktima ang ginkilala kay Leonemar Cabasag Embodo. Gina siling nga aksidente nga natiruhan ni Embodo ang iya kaugalingon gamit ang iya service firearm nga M14 rifle.Naigo sang bala sa agtang si Embodo nga nangin kabangdanan sa iya nga kamatayon.Suno sa PNP, sa ila inisyal nga imbestigasyon wala sang foul play sa kamatayon sang biktima.

Nakibot na lang ang driver sang amphibious excavator nga ginagamit sang City Engineer’s Office sa dredging operation sa Mambuloc Creek nga hubas na ang krudo sa tangke sang heavy equipment.Gani gilayon siya nga nagpahibalo kag nanugid sa kapulisan tubtob nga nagkaladakpan ang duha sa anum ka mga persona nga ginapatihan nagkawat sang krudo.Tatlo sa lima ka container sang krudo ang na-recover sa ila.Pero bangud sang pagpangawat na delay ang dredging operation.Natungod sang insidente naghinyo na ang pamunuan sang City Engineer’s Office sang bulig gikan kay Barangay 2 Punong Barangay Emelda Banguanga nga matagaan atensyon ang pagbantay sang heavy equipment agud nga indi maapektuhan ang ginapatuman nga clearing operation sang sapa.Ginatinguhaan sang Bacolod LGU nga mahawanan...

Clearing operation sa pila pa ka mga dalan lakip na Banago Port sa Bacolod tagaan atensyon sang siudad.Hilway na ang dalan Lopez Jaena sa mga motorista matapos nga ginpatuman sang Biyernes sang City Legal Office Enforcement Team ang clearing operation batuk sa mga furniture shop nga liwat nga nanglaksam sang dalan kag sidewalk.Kabahin ini sang luyag matagaan atensyon sang katapo sang business sector.Nalakip na diri ang nagakitid na nga alagyan pakadto sa Banago Port.Ginpahayag ni Metro Bacolod Chamber of Commerce and Industry President Atty. Juliana Carbon nga nagakaangay kuntani nga mahawagan ang alagyan pakadto sa sea port bangud naga-serbe ini nga gateway sang siudad.Gintugyan na ni Mayor Greg Gasataya ang amo nga reklamo sa City Legal Office enforcement team para gi...

Sa meeting nanday Mayor Greg Gasataya upod sa tiglawas sang Tourism Infrastructure Economic Zone Authority ukon TIEZA napatpat ang mga tikang para sa ginapaabot nga rehabilitation kag improvement sa water fountain sang Bacolod Public Plaza kag Bacolod City Government Center nga suguran sini nga Hulyo.Magalawig ang proyekto tubtob sa madasun nga tuig, pero ginpasalig sang TIEZA nga unahon nila ang pag-install sang mga lighting system agud indi ini maka-apekto sa natalana nga MassKara Festival celebration sa Oktubre.Ginsiling sang alkalde nga ginakinahanglan ang hugot nga coordination upod sa TIEZA agud nga indi mauyang ang pondo sang gobyerno ilabi na nga may ginapatuman nga improvement ang Bacolod LGU sa Bacolod Public Plaza.Una nga ginsuguran sang nagligad nga semana sang DRRM...

Cadiz City Mayor Salvador Escalante, Jr. ang bag-o karon nga presidente sang Negros Association of Chief Executives.Ginpatigayon sang Biyernes ang General Assembly kag Election sang Negros ACE.Suno kay Escalante, isa sa na desisyonan sang grupo amo nga dapat sila ang mag reach out sa ila nga counterpart sa Negros Oriental kag Siquijor agud nga ma maximize na ang Negros Island Region.Isa sa gina lantaw nga ang tagsa ka probinsya maga tuga anay sang ila man nga grupo para maka tuga sang NIR ACE sa kabilugan.Sa ini nga pamaagi mas mapabakod ang koneksyon kag pag updanay.Para sa Negros Occidental, bukas sila sa pag share sang best practices sa tagsa ka banwa kag siudad.Samtang, Chairman of the Board si Victorias Mayor JunB Bantug,Secretary General si Pontevedra Mayor Jose M...

Ginbawian sang kabuhi ang isa ka 21-anyos nga rider matapos magbungguanay ang iya ginamaneho nga motorsiklo kag isa ka pickup sa atubang sang isa ka softdrink company sa Mansilingan-Murcia Road, Barangay Mansilingan sa  Bacolod, kagab-i.Padulong sa Bacolod ang biktima samtang padulong Murcia naman ang pickup truck.Base sa imbestigasyon sang pulis, may kadasigon ang pagpadalagan sang motorsiklo sang biktima.Ginsiling ni Police Major Elmer Bonilla, pamuno sang Bacolod Traffic Enforcement Unit, nagapangita pa sila sa karon sang CCTV footages agud mahibaluan ang mga rason kung ngaa nagbungguanay ang motorsiklo kag pickup.Makit-an sa lugar sang insidente ang natumba nga motorsiklo sang biktima kag ang nagtabog niya nga nutshell-type nga helmet.May gamay nga kurbada sa a...

Dead on arrival sa Governor Valeriano M. Gatuslao Memorial Hospital ang 26-anyos nga biktima, samtang nagapaayo naman ang duha niya ka mga kaupdanan nga naga-edad 43 kag 18 anyos.Natabo ang insidente sa Purok 1, Barangay Nabali-an sa siudad sang Himamaylan, Negros Occidental, Huwebes nga adlaw.Ginsiling ni Police Lt. Peter Genovea, deputy chief sang Himamaylan PNP, ginlihog sang barangay kapitan sang Nabali-an ang tatlo ka mga biktima nga gabuton kag isaylo ang steel post agud mabutangan sang solar lights. Apang, wala nila madeparahan nga may kable nga utod sa ibabaw sang poste kag nagasablay ini sa main wire sang NOCECO, rason nga sila ang nakuryente.Dugang pa ni Genovea, may kabaskugon nga 13,200 volts ang main wire sang NOCECO, base sa panaysayon sang staff sang electric coo...

Hepe sang Police Station 1 sa Bacolod kag duha ka mga pulis ginkakas sa pwesto kasunod sang natabo sa pagkastigo sa isa ka sibilyan sa atubang sang duha ka mga pulis.Nag pangastigo gina siling bana sang isa ka pulitiko.