Balita Hiligaynon

Napulo ka mga persona, lakip na ang driver kag pito ka mga Panaad dancers sang Hinoba-an ang sakay sang canter truck sang ini ang natumba sa Barangay Talaban sa Himamaylan City, pasado las 5 kaina sang kaagahon.Ang mga dancers amo ang nag-perform kagab-i sa “Best of Festival Dances” nga ginhiwat sa Panaad Stadium sa Bacolod City.Ginsiling ni Hinoba-an Mayor Daph Reliquias, luwas na sa katalagman ang mga sakay, nga nakaangkon sang minor injuries. Sila ang gindala sa Valeriano Gatuslao Hospital sa Himamaylan kag tanan ang outpatients.Suno sa driver, na-alang-alang siya sa pag-overtake bangud gulpi lang nag-preno ang salakyan sa iya atubang.Nagliso ang canter sa pihak nga lane, nangalihid sa railings kag didto na nag-overshoot kag natumba sa tuo nga side.Ginabulubanta mga ...

Probinsya sang Negros Occidental ang nag-report sang tatlo ka dengue related deaths. Pero kadamuon sang dengue cases ang manubo subong kun ipaangid sa nagligad nga tuig.As of April 4, 2026, humalin sang bulan Enero, may 500 ka gin report dengue cases.Ang siudad sang Bago ang may pinaka madamo nga reported dengue cases - 50. May isa ka dengue death ang siudad.Ang La Carlota naman may 49 ka dengue cases, San Carlos 48 cases, Cadiz City - 36 cases kag Sagay 33 cases.Sa kasubong nga tion sang 2025, may 1,085 ka dengue cases ang na-record. 68.45 percent nga mas nubo ang dengue cases subong.Padayon ang panawagan sang PHO sa matinlo nga palibot para malikawan ang balatian nga dala sang lamok.*

Masobra sa P100 million ang gin-commit ni Senador Joseph Victor “JV” Ejercito para sa pag patukod sang permanente nga Police Regional Office - Negros Island Region headquarters.Sa karon ang talatapan sang PRO NIR ang yara sa Camp Alfredo Montelibano Sr sa Bacolod City kun sa diin napahamtang man ang Negros Occidental Police Provincial Office.Sini lamang nagbisita ang senador sa NIR PRO kun sa diin siya ang nagsapol kay Brig Gen Arnold Thomas Ibay sang Martes.Ang police na suno kay Ejercito ang maga pat-od saang site para sa PRO NIR.Ang Bago City ang nagtanyag sang 5-hectare property. Pero ang ang PRO NIR headquarters pwede nga matukod bisan diin sa sur nga bahin sang probinsya kaangay sang Kabankalan para man nga malapit ini sa Negros Oriental suno sa Senador.*

Halin Abril 1 tubtob 14, may yara na sang 62 ka mga grass fire ang nagluntad sa syudad sang Bacolod, base sa pinakaulihi nga datos gikan sa Bacolod City Fire Station.Gani, nagapanugyan sa mga residente ang Bureau of Fire Protection nga likawan ang pagpanutod sang sagbot, ilabi na subong nga tuman kainit sang panahon kag kalabanan sa mga dahon kag basura ang kaging na kag madasig masunog.Isa man ka pamaagi agud malikawan ang grass fire kag garbage fire amo ang insakto nga pag-dispose sang upos sang sigarilyo.Kung mahimo, ipalayo man ang mga posporo ukon lighter sa mga kabataan agud indi nila ini mahampangan kag makatuga sang sunog.Subong nga hapon isa naman ka grassfire ang nagluntad sa Barangay Alijis sa Bacolod.*

Mga pasahero nag dinaguso sa mga salakyan, may mga commuters nga na stranded bangud sa transport strike subong nga adlaw.May report si Richard Caballero.*

Masobra sa 24,000 ang nag padulong sa una nga adlaw sang 30th Panaad sa Negros Festival.Masobra sa 3.3 million pesos naman ang sales sa una nga adlaw.Ini base sa report sang Provincial Administrator’s Office.Ginkalipay ni Negros Occidental Gov Eugenio Jose Lacson ang turn-out sa una nga adlaw.“We are very pleased with the strong turnout on the opening day of the 30th Panaad Festival. We anticipated the large number of festival-goers and prepared accordingly to ensure a safe and enjoyable experience”, suno kay Lacson.Gindugok ang performance sang Ben&Ben sa opening night sang Panaad. Puno ang Panaad grounds lakip na ang stadium.Antes sang Ben&Ben performance, nasaksihan ang festival dances sa city category.“Traffic congestion was the main challenge obse...

Siudad sang San Carlos tuyo nga mag-file sang kaso batuk sa drayber kag sa tag-iya sang refrigerated van nga imbolbado sa bungguanay sa truck nga naga karga sang personnel sang City Health Office nga maga patigayon kuntani sang bloodletting.Ginsiling ni Mayor Renato Gustilo, nga sila ang nag pakig-angut na sa Land Transportation Office para nga ma-identify kag ma locate ang tag-iya sang salakyan.Sang Biyernes, Abril 10, nagbungguanay ang duha ka mga truck sa upper Ecotranslink Highway sang Barangay Rizal sa San Carlos City nga ginkamatay sang isa ka regular nga empleyado sang CHO.Suno sa alkalde, wala naka pakita ukon naka pakig angut sa ila nga talatapan ang tag-iya sang truck.Ang babaye nga contract of service nga duktor sang CHO nga isa sa mga pasahero ang ipaidalom ...

Isa ka 43-anyos nga truck driver ang gindakup sang otoridad sa Brgy. To-oy sa Himamaylan City kun diin na-intercept ang P25 Million nga balor sang sigarilyo.Ginabulubanta 500 ka master cases sang sigarilyo ang nakuha sa 10-wheeler nga wing van nga ginamaneho ni alyas “Geo”, taga Canlaon City, Negros Oriental.Ang mga sigarilyo ang wala sang authorized tax seals kag kulang ang gina-require nga graphic health warning labels.Samtang, gindakop sang kapulisan ang isa ka lalaki matapos makuhaan sang masobra P3.3 Milyones nga balor sang smuggled cigarettes sa Sitio Mapait, Barangay Suay sa Himamaylan City, sang Lunes.Nakumpiskar ang 66 ka master cases sang assorted smuggled cigarettes kag 45 ka reams sang imported tobacco, pati na ang salakyan nga gingamit sa pag-transport sang...

Nagduda ang driver kag helper sang Isuzu 6-wheeler panel van bangud suno sa instruction sa ila, package ang ginkarga gikan sa warehouse, apang natingala sila nga may label sang brand sang sigarilyo ang karton nga gin-load sa truck.Gani, ginpakamaayo nila nga dal-on ini kag i-surrender sa kapulisan sang Station 4 nga sa amo nga tion, nagapatigayon sang checkpoint operation sa dalan Circumferential, Purok Herbabuena, Barangay Villamonte sa Bacolod City, mga las 3 kaina sang kaagahon, Martes, Abril 14.Gin-inform sang driver nga si alyas “Mario”, 27-anyos kag sang iya helper nga si alyas “Mark”, 20-anyos, pareho residente sang Brgy. Singcang-Airport sa Bacolod ang team leader sang pulis may angut sa ila karga.Gin-hire ang duha sang wala pa makilal-an nga persona agud i-transpor...

Gin-ako sang Romeo Nanta Command-New People’s Army South Central Negros Guerilla Front ang pagpatay sa anay Sangguniang Bayan Member sa banwa sang Isabela kag anay detachment commander nga si Rodulfo Fajardo.Sa isa ka statement, gina alegar sang NPA nga nagapang-agaw duta, may mga kaso sang pagpatay kag pagpang abuso ang anay konsehal.Para sa mga rebelde, gingamit sang biktima ang iya position kag impluwensya agud nga pwersa nga kuhaon ang mga duta sang mga mangumguma pinaagi sa pagpamahog.Si Fajardo man suno sa grupo ang ginapatihan isa sa key organizers sang armado nga grupo nga ALSA MASA.Walo ka gunshot wounds ang naangkon sang biktima nga gintunaan sang iya kamatayon.Naga sakay sa motor ang biktima padulong Sitio JMA sa gina-arendohan sini nga kampo sang mag-abo...