Mga interesado nga buyers-haulers sa volcanic debris sa Ibid Creek sa banwa sang La Castellana ang sarang mag pakig-angut sa gobyerno probinsyal karon nga natalana na suguran ang clearing operation.
Ginsiling ni Provincial Enviroment and Management Office Head, Julie Bedrio nga ipaidalom sa orientation ang mga interested parties.
Diri ipatpat sa ila ang mga tikang kag proseso. Sa bahin sang probinsya, gina paabot sa masunod nga inadlaw ang pag butang nila sang signage nga naga pakita sang Environmental Compliance Certificate lakip na ground markers sa pag pasiguro nga indi na mag lapaw pa sa area nga gintugutan.
Ang mga hauler-buyer ang maga hatag sang letter of intent sa probinsya kun sa diin nakasaad ang gamiton nila nga mga truck kag ang tuyo nila nga volume sang debris nga kuhaon. Ang probinsya ang maga schedule sang hakutay sa tuyo nga mangin masulhay ang tanan.
Target sang probinsya 30 ka mga truck ang maga hakot sa kada adlaw. May napat-od na nga mga balayran ang mga hauler-buyer sandig sa ginpasar nga ordinansa sang Sangguniang Panlalawigan.
“Ang available lang naton nga volume is kun ano ang ara sa ECC kun ano ang sa work program sang province which is around 67,500 nga cubic meters. We hope the interested nga truckers later nga ma cover ini nga volume, kay gaan sila schedule kag indi man pwede madinungan tanan,” suno kay Bedrio.
Ginsiling naman ni Mt Kanlaon Natural Park, Protected Area Superintendent Philip Lechoncito nga isa ka composite team nga gina pamunuan sang ila nga talatapan ang maga oversee sang clearing operation sa pag pasiguro nga santo ang tanan sa pagsulundan.
“One of our roles sa Mt Kanlaon Natural Park sa aton office is to supervise sang activity sa area to see to it nga ang aton operation in on process sa eksakto. Apart from that we already have our composite team for the monitoring of the general activities sa Ibid Creek”, suno kay Lechoncito.
Ang clearing sang Ibid Creek gikan sa mga na anod nga volcanic debris tuyo nga mapangapinan ang seguridad sang komunidad sa palibot. Sa tagsa ka pag bunok sang ulan naga awas sa mga pamalay ang tubig gikan sa barado nga sapa.
[sibwp_form id=1]