Balita Hiligaynon

Wala mag pensar ang isa ka tag-iya sang grocery store sa Barangay Robles sa may banwa sang La Castellana nga ang tuyo nga pagbulig sa dumdom anay nila mga mangunguma ang isa gali ka scam.Lunes sang aga sang may nagkadto nga lalaki nga nag tanyag sang ila patubas nga bugas.May ginpasimhot kag ginpalantaw pa siya nga bugas nga sample. Nangin okay man ini kag wala man sang problema. Apat ka sako sang bugas ang karga nila sang iya upod sa tricycle nga wala sang plate number.Ginkasugtan nga ibaligya nila sa grocery store sa presyo nga P2,350 ang bugas kag ginbakal ini sang negosyante.Nagbiya na ang nagbaligya sang bugas. Gintig-ang nila ang bugas kag didto nila na deparahan nga ang babaw lang nga parte sang isa ka sako ang maayo nga klase sang bugas kag ang idalom sini indi n...

Matapos nga gin-aksyonan sang siudad ang ginreklamo sang mga residente sang Barangay Felisa nga nagausbong nga baho gikan Sanitary Landfill sang Bacolod City, ginsiling ni Barangay Felisa Kagawad Melonie Beñas nga wala na sila gakasinghotan nga baho malapit sa landfill.Dugang niya, halos wala naman sang baho ang mga dump truck sang garbage collector kun maglabay sa ila nga dalan kag wala naman sila sang tagas nga nakita gikan sa landfill padulong sa malapit nga sapa.Ginsiling ni Beñas, nga matapos ang public hearing nga ginpatigayon sang Environmental Management Bureau Negros Island Region, nabatyagan na sang mga taga Barangay Felisa nga may development na ang pagdumala sang Sanitary Landfill.Padayon man nga ginatun-an sang siudad ang posible nga nga pag-reroute sang mga garbag...

SRA photoSa Negros Island Region nag dangat sa masobra 114,000 ka ektariya sang katubuhan ang gin-report apektado sang RSSI.47.9 percent ini sa total nga area sang katubuhan sa isla.Ini base sa August 14 nga datus sang Sugar Regulatory Administration. Masobra sa 58,000 hectares sa gin-report apektado ang na validate na sang SRA.May masobra sa 95,000 hectares sa Negros Occidental ang apektado sang RSSI kag halos 55,000 hectares ang yara sa southern Negros. Ang Kabankalan City sa amo nga report ang may pinakamalapad nga area nga apektado - 9,706 hectares.Suno sa SRA kun sadto makita ang tuman nga pag panghangkat sang RSSI sa industriya ang coordinated government intervention ang nangin effective sa pag pugong sang pag lapta pa gid sang RSSI.Ang pag timbook sang kaso n...

Duha ka adlaw matapos nga wala makapauli sa ila balay ang isa ka amay, nasapwan na lamang ini nga naga-utaw-utaw malapit sa higad sang suba nga sakop sang Purok Talutog, Barangay Dulao sa Bago City, Domingo sang aga.Suno sa bata sang biktima nga si alyas "Pepe", 53-anyos, nag-inom-inom ang biktima upod ang iya abyan sa ila balay matapos magdul-ong sang uling sa Brgy. Sum-ag, Bacolod City sang Biyernes, Agosto 28.Nag sige inom ang biktima kag naghalin sa ila balay mga las 9 sang gab-i. Siya ang ulihi nga nakit-an nga nagatabok sa Sum-ag River.Sang Sabado, ginpangita sang mga bata ang ila amay matapos wala ini makapauli. Domingo na nga adlaw sang nasapwan nga patay ang biktima.

Bangud sa parkingan, tatlo ka mga persona ang naiguan sang bala sa pagpangtiro sang job order employee sa Osmeña Street, Barangay 2 sa banwa sang Hinigaran, Domingo sang aga.Naigo sang bala si alyas “Maricel”, 37-anyos, si alyas “Ceasar”, 64-anyos, kag ang 7 ka tuig nga bata.Nadakpan ang suspek nga ginkilala kay alyas “Chester”, 52-anyos, isa ka JO sa Municipal Water District.Nagwa sa imbestigasyon sang Hinigaran PNP nga nag-ayo ang suspek nga idugon ang salakyan nga ginapanag-iyahan sang mga biktima nga nakapark sa higad sang dalan, agod maka-agi ang iya salakyan.Apang nagluntad ang pagbinaisay tubtob nagkadto ang suspek sa iya salakyan, nagkuha sang pusil kag ginpangtiro ang mga biktima.Nahibaluan nga mag-paryentihanay man lang ang mga imbulbado sa insidente.Narek...

Negros Island Region nag-record sang 3,420 dengue cases as of August 22.Pero, kun ini ang ipanggid sa datus sang 2025, 47 percent ini nga mas manubo.Suno sa Department of Health NIR, ang 6 to 10 year age group amo ang may pinakamadamo nga kaso - 612 cases ukon 18 percent.Naga sunod naman ang 11 to 15 year age group 542 cases ukon 16 percent kag ang 1 to 5 year age group ang ikatlo nga may pinakamadamo nga kaso 523 cases ukon 15 percent.1,961 cases naman ukon 57 percent sa mga kaso ang na classify nga dengue with warning signs kag 41 percent ang dengue without warning signs.

Takna las 10, Martes sang aga, dungan nga ginpahuni sang mga barko sa Bredco Port sa Bacolod City ang ila mga siren bilang panugod sa isa ka bulan nga selebrasyon sang Maritime and Archipelagic Nation Awareness Month ukon MaNa Mo 2026.Ini ang ginpangunahan sang Philippine Coast Guard Bacolod City Substation bilang pag-ugyon sa nationwide nga selebrasyon.Sandig sa pahayag sang National Maritime Council, ang paghuni sa mga siren ang isa ka pamaagi sa pagdumdom sang kapuslanan sang kadagatan sa tagsa ka Pilipino.Ang kadagatan ang suno sa ila, nagaserbe nga alagyan agud magpadayon ang mga hilikuton sa pungsod nga nagahatag sang palangabuhian, nagapasangkad sa ekonomiya, kag ini man ang nangin kabahin sa identity sang pungsod.Ginpahanumdom man sang NMC nga ang tagsa ka Pilipino ...

Ginsiling ni Bacolod City Councilor Homer Bais, pamuno sang Committee on Environment nga ila ginapangayo sa Bacolod Environment and Natural Resources Office ukon BENRO ang evaluation kag assessment sa performance sang ISWIMS nga nagakoleta sang basura sa siudad sa sulod sang anum ka bulan.Ginahaylo man ni Bais ang ISWIMS nga maghatag sang opisyal nga pahayag kag paathag kun ngaa madamo sa gihapon sang naga reklamo nga delayed ukon wala makolekta ang basura sa ila nga lugar.Sandig sa kasugtanan sang ISWIMS kag sang siudad, yara sa 800 tubtob 850 cubic meters ang kadamuon sang basura nga kinahanglan hakuton sa bilog nga siudad kada adlaw, apang bangud sa kadamuon sang basura, nagdangat na sa masobra 1,000 cubic meters ang ila ginakolekta.Apisar sini, madamo sa gihapon ang nagarek...

6 ka mga chief of police pati na ang provincial director sang Negros Oriental ginkakas sa pwesto bangud sang one-strike policy sa illegal gambling.Ginkakas sa ila tagsa ka pwesto ang provincial director sang Negros Oriental Police Provincial Office kag ang anum ka mga hepe sa banwa ka Ayungon, Tayasan, Sibulan kag Pamplona, kag mga siudad sang Bayawan kag Guihulngan.Ang rason, naka-operate ang higher units kag special operations group sa mga lugar sang natungdan nga mga hepe kag may nagkaladakpan nga mga persona nga nagapakigbahin sa iligal nga panahor.Sa standing order ni Chief PNP General Jose Melencio Nartatez Jr. kay Police Regional Office-Negros Island Region director Brigadier General Romano Cardiño, maga-atubang sang administrative action ang mga hepe nga mapaslawan nga ...