Balita Hiligaynon

Liwat nga ginmanduan sang Department of the Interior and Local Government Bacolod City ang mga barangay sa siudad nga i-post sa ila social media pages ang mga pangalan sang lima ka mga benepisyaryo sang Presidential Scholarship Program nga nakabaton sang 20,0000 pesos.Ini matapos nga naglapta sa social media ang isa ka dokumento kun sa diin ginapatihan nga nalakip ang pangalan sang bata sang Barangay Secretary sang Punta Taytay sa mga scholars.Ginsiling ni DILG Bacolod City Director Christian Nagaynay nga sang validation period palang ila na ginpakakas ang bata sang secretary sa listahan kag ginpaislan na ini.May pila man ka reklamo ang mga residente sang Barangay 40 sa social media parehas sa amo nga isyu, apang ini ang wala pa mapamatud-an suno sa DILG.Padayun ang pagpaki...

Ginpapanaugan sang Bacolod LGU sang showcause order ang anay pamuno sang Bacolod Environment and Natural Resources Office ukon BENRO nga si Maria Fe Tresfuentes bangud sa ginapatihan “conflict of interest” samtang nagapungko ini bilang BENRO Head kag nagatransakyon sa IPM-CDC nga anay garabage collector sang siudad.Ginsiling ni City Legal Officer Karol Joseph Chiu nga sang Setyembre 1, ginhatag na sa natungdan ang showcause order. Nakasaad sa showcause nga may gina-alegar financial interest ang natungdan sa mga transakyon sang iya talatapan sa IPM-CDC.Suno kay Chiu, nahibaluan man nga ang bata ni Tresfuentes direkta nga nagaobra sa IPM-CDC.Kadungan sini, ginpapanaugan man sang showcause order ang isa ka lalaki nga regular employee sang BENRO matapos nga ginreklamo ini sang isa ...

Choy Gallarde/Balita Karon Negros photoNagtukod ang Negros Oriental Police Provincial Office sang Special Investigation Task Group “DUELL” agod tutukan ang imbestigasyon sa pagpatay sa American national kag misis sini nga Pinay sa ila balay sa Barangay Bajumpandan, Dumaguete City.Nalakipan ang task group sang police provincial director, Criminal Investigation and Detection Group, PNP Cybercrime Unit, Dumaguete City Police Station kag iban pa nga investigation units.Ginsiling ni Capt. Stephen Polinar, spokesperson sang NOrPPO, isa sa mga anggulo nga ila gina-usoy amo ang robbery tungod may pila ka mga pagkabutang sa balay nga nagkaladula.May nakita man nga “forced entry” sa balay ang mga imbestigador, suno kay Polinar.Naabtan sang mga nagresponde nga kapulisan nga duguon...

Patay ang senior citizen matapos ginhatok-hatok sang iya man lang hinablos sa Hacienda Fuentes, Barangay Mabini sa Escalante City.Nagwa sa imbestigasyon nga nakainom kag nagalakat papauli sa iya balay ang 64-anyos nga biktima, ginkilala kay alyas “Benjo” sang siya ang ginlabo sang suspek nga si alyas “Jethro”, 25-anyos, gamit ang espading.Nakaangkon sang madamo nga labo sa lawas ang biktima, rason sang iya kamatayon.Nagsungka ang suspek sa opisyales sang barangay.Old grudge sa ila pamilya ang ginalantaw motibo sa insidente.Suno sa pulis, mag-utod ang iloy sang suspek kag ang biktima.

Isa ka gin-alegar “basag-kotse” incident ang nagluntad sa dalan Araneta, malapit sa isa ka mall sakop sang Brgy. Singcang-Airport sa Bacolod City.Sa post ni Crystal Pauline Sabido sang Miyerkules, Setyembre 2, makita ang mga litrato sang buka nga rear glass sang salakyan.Suno sa iya, naka-park ang salakyan sa area malapit sa isa ka fast food chain sa lugar.Nagpaandam ang car owner sa publiko batok sa mga persona nga nagapangbiktima sang salakyan.Gina-usisa karon sang investigation section sang Bacolod Police Station 8 ang insidente kag sila ang nagapakig-angot pa sa tag-iya sang salakyan.

Sa Agosto 16 tubtob 22 nga semana sini nga tuig, duha ka bata nga babaye sa Bacolod City ang napatay bangud sa dengue.Sa record sang Bacolod City Health Office, Agosto 19, ginabawian sang kabuhi ang isa 5 anyos nga bata nga taga Barangay Granada bangud sa acute respiratory failure nga ginapatihan resulta sang dengue.Sang Agosto 21, na-report man sang CHO ang isa ka kaso sa Barangay Mansilingan kun sa diin napatay man ang apat ka tuig nga bata nga bangud sa dengue.Una na nga gin-report sang CHO ang pinakauna nga kaso sang pagkapatay bangud sa dengue sang Hulyo 5, kun sa diin 8 anyos nga bata sa Barangay Villamonte ang biktima. Sa karun, tatlo na ang napatay bangud sa amo nga masakit samtang may 448 naman ka kaso ang na record sang CHO.May pinakamadamo nga kaso sang Dengue si...

video grab fromCapitol PIOGina pabaskog karon sang probinsya ang kampanya sini para sa improved nutrition lakip na ang pag paayo pa gid sang kahimtangan sang mga iloy kag mga lapsag.Sini lamang gin lunsar ang Provincial First 1,000 days Nutrition Program nga gin pangunahan nanday Board Member Marxlen dela Cruz kag Araceli Somosa.Mga health and nutrition workers kag mga tiglawas sang mga nag kalain-lain nga local government units kag iban pa gid nga stakeholder ang nagtambong.Ang first 1,000 days naga tumod humalin sa pag busong sang iloy tubtob sa pag lab-ot sang bata sa duha ka tuig. Ini ang ginakabig nga crucial window sa pag pasiguro sang proper nutrition kag pag tubo sang bata.Ang ano man nga mahimo sa sini nga mga tion ang maka bulig sa pag likaw sa malnutrition k...

DSWD photoMasobra pa sa P1 billion ang ginapaabot nga iga-release sang Department of Social Welfare and Development Office para sa mga apektado sang RSSI ang ila nga mga katubuhan.Ginsiling ni DSWD NIR Director, Arwin Razo nga tubtob sa karon padayon ang pag panagtag sang ayuda sa idalom sang Emergency Cash Transfer para sa magagmay nga sugarcane farmers.Naka schedule sila mag hatag sa masunod nga mga inadlaw sa Amlan sa Negros Oriental, Sagay City, La Carlota City, Talisay City, Kabankalan City kag Hinoba-an sa Negros Occidental. Kabahin pa ini sang ikatlo nga batch sang tagtaganay sang ECT.As of August 28, may P280.8 million ang na release sang DSWD para sa 27,304 farmers.Tigayon na sila nga naka request sang pondo para sa masunod nga halatagan nga naga lakip sang mas...

Sang nagligad nga semana ginsiling sang Department of Energy nga posible makaayo na sa katapusan sang Agosto ang pila ka mga nag kalaguba nga mga planta kag mapa hagan-hagan na ang brownout sa Visayas. Pero subong naglala pa gid ang sitwasyon.Kun sang nagliligad nga semana tig duha lang ka oras ang manual load dropping ukon ang bulos-bulos nga mga brownouts sa area sang Negros Power, subong nga Huwebes, naglala pa gid.  Tig tatlo na ka oras ang brownout sa kada area base sa announcement sang power company.  Pati weekends, wala makaluwas, pati Sabado kag Domingo may brownouts man.Sang nagligad lang nga semana sang gin announce ni Department of Energy Secretary Sharon Garin nga ginapaabot nila nga sa katapusan sang Agosto makaayo na ang pila sa mga nag-shutdow...

18 ka balay sa Barangay Sum-ag sa Bacolod gintupok sang kalayo, 18 ka pamilya apektado suno sa Department of Social Services and Development.Bureau of Fire Protection ginatudlo ang naglupok nga saksakan sang kuryente nga amo ang ginhalinan sang sunog.May report si Richard Caballero.https://youtu.be/6KHkCCGB3js?si=z5UrAgKjdtwQz7UL