Office of the Civil Defense Negros Island Region ang nag preposition na sang ila nga resources bilang kabahin sang pag panghanda sa mangin epekto sang gina eksperiensya karon nga El Niño.
Ginsiling ni OCD NIR Director, Donato Sermeno, III, nga kabahin sa ila nga resources nga nakahanda na para sa mga komunidad nga gina forecast labing maigo sang El Niño amo ang tig 6.6 liters nga tubig nga naga balor P1.86 million kag 12 ka mga 7.5kVA nga generator sets.
Suno kay Sermeno kabahin sa priority sa generator sets ang mga 5th class municipalities kag ang mga lugar nga apektado sang bulkan Kanlaon.
Lakip sa nahatagan na nila sang generator sets ang La Castellana, La Carlota City kag Don Salvador Benedicto.
Paathag niya may mga gina kabig lima ka areas nga ila gina basehan sa ila nga El Niño response kag ini ang naga lakip sang energy, water, health, peace and order ang food security.
Yara karon sa dry spell ang Negros Occidental kag drought na ang Negros Oriental.
Mga P41 million ang na report nga kahalitan sa pananom sa NIR tuga sang El Niño base sa pinaka ulihi nga report nga gin release sang Department of Agriculture.
“In anticipation kun wala na gid bala tubig later on. I-preposition namon didto. May 12 kami ka generator, 7.5 kVA nga generators nga ipanagtag man para sa energy security. Gin-identify namon especially ang mga 5th class municipalities,” suno kay Sermeno.
[sibwp_form id=1]