Nabaton na sang Land Transportation Office – Negros Island Region pinaagi sa ila nga Intelligence and Investigation Unit ang paathag sang TNVS driver sa viral video sang pagmulay niya sa isa ka pasahero.
Sa statement, suno sa drayber naghinulsol siya sa nangin mainit nga sabtanay nila pero suno sa iya dapat man mahangpan ang bilog nga natabo.
Hambal niya ginsunod niya man lang ang ginhatag nga pick-up point location sang app kag makapila ka beses siya nanawag sa pasahero.
Dugang pa niya nga nag sugod ang sabtanay nila bangud sa sala nga pick up point. Maga usisa ang LTO base sa iya statement kag sa statement sang pasahero kag nagpasalig man ang ahensya nga mangin patas antes maghimo sang desisyon.
Base sa video nga gin-post sang LTO gin akigan sang drayber ang pasahero matapos ang sala nga pick up point. Nagpakilala siya nga isa ka seaman kag gin hambalan pa niya ang pasahero nga mas dako pa ang iya balay sang sa balay sini.
Ginpahog niya pa ang pasahero nga natultulan niya na ang balay sini kag wala na gin pabayad sang plete.
[sibwp_form id=1]