Naga inom-inom ang tatlo ka mag-utod samtang naga-saulog sang kaadlawan sang ila amay sa Sitio Mao, Barangay Balicotoc sa banwa sang Ilog, mga las 10:00 sang gab-i, Martes, Nobyembre 10.
Apang sila ang nagbinaisay kag ginlabo ni alyas “Berto”, 42-anyos sa pa-a ang iya magulang nga si alyas “Eli”, 49-anyos.
Sang makita ini sang ila manghod nga si alyas “Tindog”, 35-anyos, iya gintiro si “Berto” kag naigo ini sa tiyan.
Nagtaliwan si “Berto” samtang ginabulong karon sa ospital si “Eli”. Ang ila manghod nga si “Tindog” ang detained sa Ilog PNP.
Ginsiling ni Police Capt. Marky Laganipa, hepe sang Ilog PNP, indi pag-intyendihanay bangod sang kahulugbon ang motibo sa insidente.
Kaso nga homicide ang posible paga-atubangon ni “Tindog”.
“Mag-utod ni sila. Birthday sang ila nga father and while naga-celebrate sila, nag-heated argument ni sila sang isa niya man ka brother ang aton nga victim nga deceased nga napatay na. Nagka-heated argument sila amo to nag result sa una, ginlabo ang isa niya ka utod, ang aton victim. And gintiro siya sang isa niya ka utod man nga manghod niya. Gintiro man siya sang manghod niya, amo na nga napatay gid siya. Subong ginahulat pa namon ang desisyon sang wife sang aton victim kung mapasaka siya kaso pero gin-prepare naman namon ang mga necessary documents,” suno kay Laganipa.
[sibwp_form id=1]