Ginpapanaugan sang closure order sang Bacolod City Legal Office ang isa ka establisimiento sa dalan Lopez Jaena nga nga pa arkila kag naga biyahe sang mga salakyan bangud wala ini sang business permit.
Ginsiling ni Bacolod City Administrator Atty. Mark Steven Mayo, makabig nga colorum ang mga salakyan sang amo nga establisimiento bangud wala ini sang mga dokumento sa siudad.
Madugay na suno sa iya nga naga-operate ang nasambit nga establisimiento, apang wala gid sila sang record sa business permits and licensing office. Wala man sang prangkisa ang amo nga establisimiento suno kay Mayo. Nagabyahe ini gikan sa Bacolod padulong sa nagkalain-lain nga mga banwa kag siudad sa Negros Island Region.
May mga reklamo man nga nabatunan ang siudad may angut sa operasyon sang amo nga transport and travel company.
Ginsiling man ni Mayo, nga isa sa mga requirement agud mahatagan sang bussiness permit ang kaangay sini nga mga negosyo amo ang dapat may yara sila sang prangkisa gikan sa LTFRB.
Gin-report naman ini sa LTFRB kag LTO para sa nagakaigo pa gid nga mga tikang. Magapabilin nga sirado ang estbalisimiento tubtob nga makakuha sila sang permit sa siudad.
"Kun mag-process sila, makumpleto nila, maka secure sila business permit then they could continue doing business but until and unless maka comply sila then indi gid sila pwede maka operate,” suno kay Mayo.
[sibwp_form id=1]