Balita Hiligaynon

Sagay LGU photoGin-turn-over sang lokal nga panguluhan sang Sagay ang mga school supplies kag equipment nga naga balor sang P7.5M sa Department of Education - Sagay City Division kadungan sa launching sang Project Lapis kag Papel Year 3 sang nagligad nga Miyerkules.Ang siudad ang nagpain sang P4,012,257 nga balor sang school supplies para sa 11,690 ka mga estudyante sang Sagay nga yara sa kinder tubtob grade three.P3.5-million naman nga balor sang High-Speed Comcolor Printer Machine with Sorting and Stapling Features ang ginhatag.Sa press release sang Sagay City nasaad nga ang P4M budget nag gikan sa General Appropriation Act (GAA) funds samtang ang budget para sa printer ang nag gikan naman sa pondo sang Local School Board.Ang GAA allocation nagalakip man sang donation san...

Ini ang resolusyon nga ginduso ni Bacolod City Councilor Simple Distrito para mabuligan ang mga pumuluyo nga naapektuhan sang COVID-19 pandemic sini nga tuig.Ang resolusyon ang nagahaylo sa Central Negros Electric Cooperative, Bacolod City Water District, PLDT, Globe Telecom, Smart Philippines kag iban pa nga mga utilities sa Bacolod nga i-suspend anay ang ila disconnection sa mga konsumedor nga indi makabayad tubtub sa katapusan sang tuig.Ini bangud sang pagpatuman sang Modified Enhanced Community Quarantine sa siudad sang Setyembre kag mahatagan sang ti-on ang iban nga mga konsumedor nga nawad-an sang trabaho kag palangabuhian para makabawi kag makatipon sang kwarta nga inugbayad.

Talisay PNP photoArestado ang 37 anyos nga si Antonio Dela Pena Jr., sa buybust operation sang kapulisan sa Prk. Poinsetia, Brgy. Zone 10 sa Talisay City.Ang subject sang buybust nga si Dela Pena ang number 2 sa drugs watchlist sang Talisay PNP kag siya ang isa ka high value individual.Malapit P24,000 nga balor sang iligal nga droga ang nakuha sa iya.Kaso nga pagsupak sa RA 9165 ang ginahanda na batuk sa suspek.

Richard Malihan photoGin-submit na ni Negros Occidental Governor Eugenio Jose Lacson ang 2021 proposed budget sang probinsya sang Negros Occidental sa Sangguniang Panlalawigan para sa review kag approval sini.P4,471,695,065 ang proposed general fund budget.Para naman sa operation sang Economic Enterprise Development Department P128,073,521.37 ang gin-appropirate.P1,641,424,244 ang na-allocate para sa personal services.P1,374,658,871 naman ang para sa Maintenance and Operating Expenses.Ang capital outlay yara naman sa P12,000,000 kag ang special purpose appropriations P1,443,611,950.Ginsiling ni Lacson nga maga gikan ang P4.4B nga general fund sa tax revenues - P 98,000,000, non-tax revenues - P380,357,719 kag Internal Revenue Allotment - P3,993,337,346.P 9.57B naman...

Naka post sa CENECO page ang pagpahibalo nga sa idalom sang Bayanihan to Recover as One Act, ginahatagan sang 30-day grace period ang pagbayad sang electricity bill nga nag due sang tion sang pagpaidalom sa Modified Enhanced Community Quarantine sang Bacolod City sadtong Setyember 8 - 30, 2020.Ang pagbayad mahimo nga ma-extend tubtob sa tatlo ka bulan kun ang electricity bill wala sa gihapon nabayaran.Maga pagwa pa ang Energy Regulatory Commission sang implementing guidelines tuhoy sa amo nga provision sa idalom sang Bayanihan 2 Act.Ang CENECO naman ang padayon nga maga issue sang notice of disconnection kag maga patuman sang regular schedule sang disconnection.Ginahaylo ang mga member-consumer-owners nga magbayad sang ila nga bills on-time ilabi na ang ang wala na cover sa...

May yara na sang executive order si Bacolod Mayor Evelio Leonardia kag Iloilo Mayor Jerry Trenas nga nagapahanugot sa pagbaton sang mga pasahero gikan sa duha ka mga siudad nga lunsay yara sa General Community Quarantine status.Pero tubtub subong wala pa mahibaluan kun san-o magbalik ang commercial trips sang mga fast craft kag roro vessel operators bangud wala pa sang pahanugot gikan sa MARINA.Suno sa fast craft operator nga si Frank Carbon, nagsapol kahapon ang MARINA, Philippine Coast Guard, Philippine Ports Authority kag mga tiglawas gikan sa mga siudad kag probinsya sa Western Visayas pero wala makatambung ang tiglawas gikan sa mga probinsya sang Guimaras, Capiz, Aklan kag Antique.Ginpahayag ni Carbon nga handa na nga magbaton sang mga pasahero gikan sa iban nga lugar ang ...

Cadiz City Port: A beehive of economic activity even at night.Photo by Vench OngGinakalipay ni Mayor Salvador Escalante, Jr. ang liwat nga pagsako sang pag-abot sang mga tankers nga nagakarga sang produkto petrolyo sa Cadiz City Port.Suno sa alkalde ang pagamat-amat damo sang naga inabot nga mga tanker gikan sa Batangas Port nagapakita sang pagbalik sang lokal nga ekonomiya sa tunga sang pag-igo sang pandemya."The economy is getting back on its feet in the island of Negros. But let us not rush things…Let's continue to abide with our local protocols," suno kay Escalante sandig sa iya sini nga Facebook post nga naga lakip sang litrato sang mga tanker nga nagdungka sa city port.Kun iga-average, mga kwatro milyones ka litro sang diesel kag gasolina ang pinakamanubo nga ma diska...

Sarado sa karon tubtob bwas ang Provincial Capitol sang Negros Oriental kag suspendido man ang trabaho bangud sang pagpatigayon sang disinfection sa kapitolyo.Suno kay Dr. Liland Estacion, Provincial IATF ground commander sang Negros Oriental, ila gindisinfect ang kapitolyo bangud sa may contact ang isa ka empleyado sang probinsya sa authoriez person outside residence (APOR) nga nag positibo sa COVID-19.Ang APOR nga nag abot sang Oktubre 3 gikan Manila, kag nag positibo sa COVID-19 sang Oktubre 11, ang isa man ka empleyado sang probinsya pero si Estacion nagsiling nga wala ini maka report sa kapitolyo sa iya pag abot.Ang isa lang ka empleyado sang kapitolyo amo ang nag kadto sa opisina sang APOR gikan Manila.Gani sang nahibaluan nga siya ang nag positibo, gin quarantine man...

Capitol photoGinlagdaan ni Negros Occidental Governor Eugenio Jose Lacson ang isa ka Memorandum of Understanding sa tunga sang gobyerno probinsyal kag Carlos Hilado Memoral State College sang Miyerkules, para sa continuing development program scholarship grant sa mga empleyado sang gobyerno.Ang MOU ang magahatag sang 200 ka mga scholarship sa graduate studies para sa mga programa sa idalom sang Master in Public Administration kag Doctor in Public Administration.Ang MOU ang ginlagdaan ni Lacson kag Norberto Mangulabnan ang presidente sang CHMSC.Ang kasugtanan ang maga sugod sa second semester sang academic year 2020-2021.Tinuutyo sang scholarship grant ang pag empower sang mga empleyado sang gobyerno ilabi an ang sa women sector paagi sa paghatag sang ila sang higayon sa...

Covid free na sa karon ang banwa sang Toboso.Suno kay Mayor Richard Jaojoco, ang ika 21 nila nga COVID-19 patient ang nadeklarar nga naka recover na gikan sa virus sini na adlaw.Nagakasayuran nga wala na sang active cases sa banwa nga tuman nga ginapasalamatan sang alkalde.Sa kabilugan may 21 ka confirmed COVID-19 cases ang Toboso kag ini tanan ang naka recover na gikan sa virus.Wala naman sang may gin-report nga napatay nga positibo sa COVID-19 sa banwa.