Shadow

Scholarship para sa mga government employees

Capitol photo

Ginlagdaan ni Negros Occidental Governor Eugenio Jose Lacson ang isa ka Memorandum of Understanding sa tunga sang gobyerno probinsyal kag Carlos Hilado Memoral State College sang Miyerkules, para sa continuing development program scholarship grant sa mga empleyado sang gobyerno.

Ang MOU ang magahatag sang 200 ka mga scholarship sa graduate studies para sa mga programa sa idalom sang Master in Public Administration kag Doctor in Public Administration.

Ang MOU ang ginlagdaan ni Lacson kag Norberto Mangulabnan ang presidente sang CHMSC.
Ang kasugtanan ang maga sugod sa second semester sang academic year 2020-2021.

Tinuutyo sang scholarship grant ang pag empower sang mga empleyado sang gobyerno ilabi an ang sa women sector paagi sa paghatag sang ila sang higayon sa kasubong nga mga pgorgama.

Ginalantaw man ang programa nga mangin pamaagi para ma buligan ang career advancnement kag personal development sang mga qualified government employees kasubong man ang pag upgrade sang ila nga competencies.

Sa MOU, ang probinsya ang magapasiguro sang pondo para sa programa kag magapat-od sang mga scholar nga magabaton.

Ang CHMSC naman ang magabaton sang scholar kag magapasiguro sang ila nga compliance sa admission requirements kasubong man maga assitst sa progress monitoring nila.

Leave a Reply

Your email address will not be published. Required fields are marked *

Secured By miniOrangeSecured By miniOrange