Sarado sa karon tubtob bwas ang Provincial Capitol sang Negros Oriental kag suspendido man ang trabaho bangud sang pagpatigayon sang disinfection sa kapitolyo.
Suno kay Dr. Liland Estacion, Provincial IATF ground commander sang Negros Oriental, ila gindisinfect ang kapitolyo bangud sa may contact ang isa ka empleyado sang probinsya sa authoriez person outside residence (APOR) nga nag positibo sa COVID-19.
Ang APOR nga nag abot sang Oktubre 3 gikan Manila, kag nag positibo sa COVID-19 sang Oktubre 11, ang isa man ka empleyado sang probinsya pero si Estacion nagsiling nga wala ini maka report sa kapitolyo sa iya pag abot.
Ang isa lang ka empleyado sang kapitolyo amo ang nag kadto sa opisina sang APOR gikan Manila.
Gani sang nahibaluan nga siya ang nag positibo, gin quarantine man ang iya contact nga empleyado kag gindisinfect ang bug-os nga kapitolyo.
May 12 ka dugang nga kaso sang COVID-19 ang Negros Oriental lakip na ang 3 week old nga lapsag.
Naglab-ot na sa 203 ang total COVID-19 cases sa Negros Oriental kag 20 diri ang active cases.