Ini ang resolusyon nga ginduso ni Bacolod City Councilor Simple Distrito para mabuligan ang mga pumuluyo nga naapektuhan sang COVID-19 pandemic sini nga tuig.
Ang resolusyon ang nagahaylo sa Central Negros Electric Cooperative, Bacolod City Water District, PLDT, Globe Telecom, Smart Philippines kag iban pa nga mga utilities sa Bacolod nga i-suspend anay ang ila disconnection sa mga konsumedor nga indi makabayad tubtub sa katapusan sang tuig.
Ini bangud sang pagpatuman sang Modified Enhanced Community Quarantine sa siudad sang Setyembre kag mahatagan sang ti-on ang iban nga mga konsumedor nga nawad-an sang trabaho kag palangabuhian para makabawi kag makatipon sang kwarta nga inugbayad.