Shadow

Escalante: lokal nga ekonomiya amat-amat na nga nagabangon

Cadiz City Port: A beehive of economic activity even at night.Photo by Vench Ong

Ginakalipay ni Mayor Salvador Escalante, Jr. ang liwat nga pagsako sang pag-abot sang mga tankers nga nagakarga sang produkto petrolyo sa Cadiz City Port.

Suno sa alkalde ang pagamat-amat damo sang naga inabot nga mga tanker gikan sa Batangas Port nagapakita sang pagbalik sang lokal nga ekonomiya sa tunga sang pag-igo sang pandemya.

“The economy is getting back on its feet in the island of Negros. But let us not rush things…Let’s continue to abide with our local protocols,” suno kay Escalante sandig sa iya sini nga Facebook post nga naga lakip sang litrato sang mga tanker nga nagdungka sa city port.

Kun iga-average, mga kwatro milyones ka litro sang diesel kag gasolina ang pinakamanubo nga ma diskaraga sa isa ka bulan sa Cadiz City Port kag ang pinakamataas naman nagadangat sa sais milyones ka litro.
Suno kay Escalante, nagakasayuran ini nga yara sa 2 tubtob 3 milyones pesos ang sarang nga makolekta bilang income gikan sa one-time docking kag terminal fees.

Paathag ni Escalante, ang mga tanker nga gikan sa Batangas Port ang sadto anay nagadungka sa Cadiz City Port sa indi magnubo sa lima ka beses sa isa ka bulan.

May dugang pa gid nga income gikan sa ginabayad sang mga oil firm sa kada litro sang produkto petrolyo nga gina diskarga.

Wala labot sa mga barko nga nagakarga sang diesel kag gasolina, may mga barko man nga nagakarga sang iban nga produkto kasubong sang wood chips nga para sa industrial use kag nagkalain lain nga mga equipment, ang naga diskarga man sa puerto, suno kay Escalante.

“These are very positive developments. To think that we’ve reached only 50 percent of our full potential,” suno sa alkalde.

Sa matag adlaw naga dungka man ang mga local fishing boats sa puerto dala ang mga nakuha nga mga isda.

Leave a Reply

Your email address will not be published. Required fields are marked *

Secured By miniOrangeSecured By miniOrange