Gin-submit na ni Negros Occidental Governor Eugenio Jose Lacson ang 2021 proposed budget sang probinsya sang Negros Occidental sa Sangguniang Panlalawigan para sa review kag approval sini.
P4,471,695,065 ang proposed general fund budget.
Para naman sa operation sang Economic Enterprise Development Department P128,073,521.37 ang gin-appropirate.
P1,641,424,244 ang na-allocate para sa personal services.
P1,374,658,871 naman ang para sa Maintenance and Operating Expenses.
Ang capital outlay yara naman sa P12,000,000 kag ang special purpose appropriations P1,443,611,950.
Ginsiling ni Lacson nga maga gikan ang P4.4B nga general fund sa tax revenues – P 98,000,000, non-tax revenues – P380,357,719 kag Internal Revenue Allotment – P3,993,337,346.
P 9.57B naman ang natuga nga economic loss sang COVID-19 pandemic sa Negros Occidental suno sa gobernador.
Ginsiling ni Lacson nga para maka-recover ang probinsiya, ang mga major projects kag programa sang Negros Occidental nga nasandig sa “ABANSE NEGRENSE” ang dapat nga mangin responsive, proactive kag mangin nagakaigo sa kinahanglanon sang mga pumuluyo.
Bangud sang epekto sang COVID-19 pandemic ang mga priorities sang probinsya ilakip ang ang budget formulation sini ang nagtutok na sa mas nagapanguna nga mga kinahanglanon sa karon sa tunga sang pagnubo sang mga business activities kag pagpasiguro sang public health kag safety.