SM Hotels and Conventions Corp kumpyansa para sa palaabuton sang P18B development project sa pila ka mga lugar sa pungsod sa pihak sang pandemic.
Ini kadungan sang grand opening sang Park Inn Hotel by Raddisson nga kaiping lang sang SM City Bacolod sa Reclamation Area.
Ginpahayag ni Peggy Angeles, Executive Vice President sang SMHCC, nga sa amat-amat nga paghalog sang travel restrictions kadungan sang pagnubo sang alert status sang Bacolod makit-an ang liwat man nga pagsaka bisan sa mga guest sang hotel.
Amo nga bisan na delay ang pagtukod sang pila pa ka mga development project sang SMHCC tuga man sang epekto sang pandemic kumpyansa sila sa gihapon nga mas magatin-ad ang ekonomiya.
Kabahin sa kapin P18 billion projects sang SMHCC sa sulod sang 5-year plan amo ang pagtukod sang dugang nga 100 hotel rooms kag construction sang SMX Convention sa Clark,Pampanga kag iban pa nga hotel expansion project sa pila ka mga key cities sa pungsod.
“We will continue cause we believe that come 2024 when pre-pandemic levels of tourism in the country will be back,” pahayag pa ni Angeles.
Ginkalipay naman ni hotel manager Sherwin Lucas nga bisan paano makahatag sang dugang nga opportunidad kag trabaho sa mga Negrense ilabi na nga nagahilapit ang paskwa.
Kadungan sang pagbukas sang Park Inn ang unveilling sang mural painting, art exhibit kag lights on ceremony sang Christmas Tree.