Shadow

Negros Occidental padayon nga maga-require sang S-PaSS; Bacolod nagapabilin nga indi mag require sang S-PaSS sa mga nabakunahan

S-Pass nagapabilin nga requirement sang Negros Occidental para sa tanan nga maga sulod sa probinsya.

Suno kay Negros Occidental Governor Eugenio Jose Lacson nagapabilin ang panindugan sang probinsya nga naga lakip sa mga pasahero nga padulong sa Bacolod City kag maga agi sa Bacolod-Silay Airport.

Ang pag require sang S-Pass suno sa gobernador kasubong nga gina buligan ang airline companies bahin sa pag verify sa mga dokumento sang mga traveller bangud paagi sa S-Pass gina validate na nga daan ang ayhan vaccination certificate ukon ang negative RT PCR Test result nga gina require.

Sa executive order nga ginpa gwa ni Mayor Evelio Leonardia kasunod sang pag paidalom sa alert level 2 sang Bacolod, indi na kinahanglan pa sang fully vaccinated nga maga padulong sa Bacolod sang S-Pass.

Naga panindugan man ang siudad sa pagpatuman sini. Ang amo nga EO ang santo man sa guidelines sa pagpatuman sang alert level systems for Covid-19 Response sa Pilot Areas as of Oct. 13, 2021 nga gin-issue sang National IATF, suno kay exec director sang Bacolod EOC nga si Em Ang.

As of press time, lipod man sa ihibalo ni Lacson kun may tikang ukon pagsapol nga ipatawag ang Department of the Interior and Local Government bahin diri. Wala man makasabat ang DILG Negros Occidental angut diri as of press time.

Sang Domingo may gin report nga pila ka mga pasahero sang eroplano padulong sa Bacolod nga nag pa rebook sang ila nga ticket matapos wala makasakay bangud sila ang ginpangitaan sang S-Pass.

Leave a Reply

Your email address will not be published. Required fields are marked *

Secured By miniOrangeSecured By miniOrange