Tag: Negros Occidental

Isa ka lapsag ang nasapwan nga patay sa kilid sang isa ka balay sa Barangay General Luna, banwa sang Toboso sa Negros Occidental, mga las 5 sang hapon, Huwebes, Setyembre 3.Naputos sa tela ang lapsag kag ginsulod sa sako sang bugas.Ginsiling ni Police Capt. Judesses Catalogo, public information officer sang Negros Occidental Police Provincial Ofifce, gin-retrieve sang pulis ang bangkay sang lapsag kag na-report ang insidente sa Municipal Social Welfare and Development Office.Suno kay Catalogo, nag-request na ang PNP sang post-mortem examination agud mahibaluan kon pila ang edad sang lapsag, ano ang gender sini, ano ang gintunaan sang iya kamatayon kag kung pila na ini ka oras nga patay antes pa siya ang nakit-an.Gindala ang lapsag sa Toboso Primary Health Care Facility....

Makita sa video nga kuha ni Jericho Espallardo Gregorio ang pag-sungayay sang duha ka mga toro sa Hacienda Gargar, Barangay Matab-ang sa Talisay City, Negros Occidental.Nagluntad ang insidente Miyerkules nga adlaw, Setyembre 3.Base sa impormasyon, gabok ang kalat sang puti nga carabao rason nga nakabuhi ini kag nagkadto sa itom nga carabao nga nakalawig malapit sa kampo.Matapos magsungayay, naglagsanay ang duha ka mga toro pakadto sa mga pamalay kung diin isa ka bata ang ila nalapakan sa tiil.Suno kay Gregorio, gindala sang ambulansya ang bata sa ospital kag ginpaidalom sa x-ray.Natapos ang pagsungayay sang duha ka mga toro sang nalagyo sa sapa ang puti nga carabao.Buhi apang pilason ang duha ka mga carabao.*

Yara sa 1,980 ka reams sang ginapatihan smuggled cigarettes ang ginsungka sa otoridad sa San Carlos Seaport, Barangay 6 sa syudad san San Carlos, Negros Occidental, mga las 11:58 sang gab-i sadtong Lunes, Agosto 31.Nakarga ang mga sigarilyo sa duag gray nga Nissan van, kung diin sakay man ang duha ka mga persona nga taga Balamban sa Toledo City, Cebu.Ginpabalo sang Philippine Coast Guard-San Carlos Substation ang San Carlos PNP nga may yara sang ginasuspetsuhan smuggled cigarettes sa puerto.Nagresponde ang pulis kag nagpatigayon sang inventory.Ginabulobanta nagabalor P1,980,000 ang ginsurrender nga smuggled cigarettes.*

Naabtan sang katapo sang Talisay Component City Police Station ang isa ka lalaki nga nagahigda kag wala na nagagiyo sa isa ka subdivision sa Barangay Zone 15, Talisay City sa Negros Occidental, pasado las 12 sang kaagahon, Martes, Agosto 25.Nagwa sa imbestigasyon nga nagpatigayon sang routine roving patrol ang security guards sang subdivision sang ila makit-an ang duha ka mga lalaki nga naga-attempt magsulod sa isa ka balay.Ginlagas sang security guards ang duha ka mga lalaki apang nakapalagyo ang isa.Nadakpan sang security guards ang isa sa mga lalaki kag ginposasan.Suno sa mga security guards, nagaginhawa pa ang lalaki sang ila ini ginposasan.Nag-abot ang katapo sang City Disaster Risk Reduction and Management Office kag sang ila gin-assess ang condition sang lalaki, ...

Ginsiling ni Police Lt. Peter Genovia, deputy chief sang Himamaylan PNP nga may yara na sila sang “person of interest” sa nagpatay sa isa ka chainsaw operator sa Barangay Aguisan, Himamaylan City sang Domingo, Agosto 9.Nasapwan ang 32-anyos nga biktima sa higad sang highway sakop sang Purok 11, Sitio Tanate sa Brgy. Aguisan.Positibo nga ginkilala sang live-in partner ang biktima, nga taga Kabankalan City.May mga igo sang bala ang biktima sa iya li-og kag dughan.https://youtu.be/oIFEpvOFj3A?si=MoGTVtQYc-80JlyPSuno sa saksi, papauli na sila sang iya asawa halin sa Brgy. Nabali-an sang ila makit-an ang biktima nga nagahigda sa duta.Indi pa mapat-od sang PNP kung didto sa lugar ginpatay ang biktima ukon siya ang ginbilin lang.Sa follow-up investigation nagwa nga i...

Padayon ang pagpanakop sang Land Transportation Office-Negros Island Region sa mga colorum nga salakyan sa Negros Occidental kon sa diin duha ang nadakpan sa banwa sang EB Magalona kag syudad sang Silay subong nga Martes, Agosto 11.Na-intercept ang una nga salakyan sa EB Magalona. May lima ini ka mga pasahero halin sa Bacolod City padulong Sagay City.Gin-alegar nga ginpabayad ang kada pasahero sang plete nga P100 tubtob P150.Sa Silay, isa ka van ang nadakpan nga naga-transport sang 13 ka mga pasahero halin sa Sagay padulong Bacolod. Ginpa-plete sang tig-P70 tubtob P150 ang mga pasahero.Suno sa LTO, pareho nga wala sang Certificate of Public Convenience ukon Permit to Operate ang duha ka mga van.Tubtob P200,000 ang multa sa kada salakyan, suno pa sa LTO.*