Ginhampak sang dako nga balod ang motorbanca nga ginasakyan sang 22 ka mga pasahero rason nga nagkulob ini malapit sa Dapdap Port, Sipaway Island sakop sang Barangay San Juan sa San Carlos City, BIyernes sang hapon.
Tigayon nga na-rescue kag wala sang may nasamaran sa 22 ka mga pasahero, lakip na ang onse ka mga minors.
Nagbulig sa pag-rescue sang mga pasahero ang boat captain, boat operator, kag mga personnel sang Coast Guard, Bantay Dagat, DRRMO, kag Maritime Police.
Gin-check ang mga pasahero kag ginhatagan sang nagakaigo nga medical attention sa bulig sang local government unit sang San Carlos.
Halin sa Sipaway Island kag pakadto San Carlos City proper ang bangka sang nagluntad ang insidente.
[sibwp_form id=1]