Balita Hiligaynon

Naghatag na sang notice to vacate ang Bacolod City Legal Office sa pito ka mga balay nga napatukod sa sulod sang compound sang Bays Center sa Barangay 12.Iligal ang pagpatukod nila sang balay bangud yara ini sa sulod sang compound nga ginatindugan sang mga talatapan sang gobyerno.Ginsiling ni Retired Police Colonel Levy Pangue, pamuno sang CLO Enforcement Team nga bisan nakahatag na sila sang 10-day notice sang nagligad nga semana, indi dali-dali nga mapahalin ang mga naga-istar bangud residential houses ini.Sa pito ka balay, ang iban diri gina-rentahan pa samtang ang iban naman gina-istarahan na sang pamilya. May tiangge man nga napatukod sa sulod sang compound.Sa inisyal nga assessment sang Bacolod Housing Authority, diskwalipikado ang mga natungdan nga mahatagan sang...

Ginsiling sang Deputy Speaker sang House of Representatives nga si Bacolod City Lone District Rep. Alfredo Abelardo Benitez nga pabor siya sa pag postpone sang Barangay and Sanguniang Kabataan Election 2026 bangud sa ginapangatubang nga krisis sang pungsod sa subong.Luyag sang kongresista nga ipaiway anay sang anum ka bulan ang pinili-ay samtang nagapadayon pa ang pagtimbook sang presyo sang gatong.Dugang pa niya, mas maayo nga ipain nalang anay ang 13 tubtob 14 billion pesos nga pundo sang BSKE para ibulig sa mga sektor nga gakaapetohan sang sini nga krisis.Nagapati man siya nga kon indi gilayon mahatagan sang solusyon ang ini nga krisis, posible nga mangin mas lala pa ini kun ikumpara sa pandemic.Nagapadayon pa sa karun ang voter's registration sang Commission on Elec...

Ginsiling ni Richelle Verdeprado-Mangga, pamuno sang Bacolod City Department of Social Services and Development, may kapin sa 500 na ka mga drayber sa siudad ang nagsumite sang ila apela matapos nga wala madala sa listahan sang magabaton sang ayuda.Matapos ang deadline sang application, may mga appeal pa nga nabaton ang talatapan sang DSSD.Nagabaton pa sang application ang siudad para sa ayuda sang mga wala pa madala nga drayber tubtob las 7 sini nga gab-I, Abril 10.Panawagan sang DSSD agud ma lakip sa mga apela nga ipasaka sini sa gobyerno nasyonal, ihatag ang ila impormasyon sa presidente sang ila asosasyon kag ini man ang gilayon nga ipasa antes ang deadline.Suno kay Mangga, posible nga magdamo pagid ang numero sang mga drayber nga maga apela para sa ayuda sini nga a...

Nagbato kag natiruhan sang buy-bust suspect ang police operative sang Police Station 9 sa atubang sang motel, Barangay Singcang-Airport sa Bacolod City, Huwebes sang gab-i.Nag-gabot sang caliber .45 pistol ang 32-anyos nga suspek kag gintiro ang biktima nga si Police Master Sergeant Romulo Galvez, miyembro sang Station Drug Enforcement Team.Naigo sang bala ang pulis sa iya natu-o nga pa-a.Gindala ang pulis sa Bacolod Adventist Medical Center apang siya ang nagtaliwan pasado las 12 sang kaagahon sini nga Biyernes bangud sang “hypovolemic shock secondary to a gunshot wound”.Samtang, nadakpan ang suspek kag narekober sa iya ang lima ka pakete sang suspected marijuana nga nagabalor P48,000, magazine kag lima ka mga bala.Sa pahayag ni Bacolod Mayor Greg Gasataya, ila gin...

Isa ka Barangay Health Aide ang napatay kag onse ka iban pa ang nasamaran sang magbungguanay ang isa ka Hino Truck kag isa ka Canter truck sa upper Ecotranslink sa Barangay Rizal sa San Carlos City 8:58 Biyernes sang aga.Sa report sang pulis, papanaog ang Hino Truck sang aksidente nga mabunggo ini sa nagasugata kag naga pasaka nga Canter truck.Suno kay Joe Recalex Alingasa ang City Disaster Risk Reduction Management Officer sang San Carlos City, sakay sa nagapasaka nga Canter Truck ang mga personnel sang San Carlos City Health Office lakip na duktor nga kuntani maga patigayon sang bloodletting activity sa Brgy Quezon sa San Carlos City.Suno kay Alingasa, isa ka job order worker ang nagtaliwan. Siya ang nag agum sang pilas sa ulo. Duha naman ang seryoso nga nasamaran nga nag...

Bangud sang kadasigon kag impact, naglabog ang mga sakay sang ambulansya matapos nakabunggo sa poste sang solar lights sa higad sang highway nga sakop sang Purok Biante sa Barangay Recreo, banwa sang Pontevedra, pasado las 2 Miyerkules sang hapon, Abril 8.Ang insidente, nagresulta sa kamatayon sang 70-anyos nga babaye nga pasyente, ginkilala kay alyas "Dalia" kag crew sang ambulansya nga si alyas "Peter", 30-anyos.Pilason naman ang naga drive sang ambulansya nga si Punong Barangay Stephen Peñonial, 48-anyos, sang Brgy. Sebucauan sa Isabela, kag si alyas "Maria", 50-anyos, nga himata sang pasyente.https://youtu.be/ivTku8hwz9c?si=W_HHMl0t3cT4sbgnSuno sa driver, nag-gulpi siya preno bangud may ginlikawan siya nga tricycle kag nadulaan siya sang kontrol sa manebela.Gikan ...

Good news! May posible na nga rollback next week sa presyo sang gatung.Ginapaabot nga sa masunod nga semana may rollback na gid man sa bili sang produkto petrolyo kun i-base sa baligyaanay sang gatung sa world market sa karon.Kun basehan ang April 6-8 nga baligyaanay sa world market may posibilidad sang rollback nga P7 kada litro sa bili sang diesel, P3 sa gasoline kag P5 sa kerosene.Indi pa ini final kay may duha pa ka mga trading days nga ginahulat antes makuha ang eksakto nga presyohanay sa world market.Ini ang resulta sang temporary nga ceasefire sa tunga sang Iran kag Estados Unidos.https://youtu.be/nc-p0Y9FSlo?si=Sf-aU3pAN_4azpwU

96.06 percent sa target sini nga mga tricycle driver ang tigayon nga nahatagan sang Department of Social Welfare and Development sang cash relief assistance sang Miyerkules nga adlaw, Abril 8.Tricycle driver sa Talisay City nagbaton sang relief cash assistance gikan sa DSWD sang Abril 8, 2026. DSWD NIR photoSuno sa DSWD NIR naka serbe sila sang 27,549 ka beneficiaries sa 28,584 nga daily target as of April 8, 2026.Nalapawan sini ang national average nga 90.31 percent. Na highlight sini ang operational efficiency sang rehiyon bahin sa pag hatag sang timely, responsive kag inclusive assistance sa mga komunidad nga naga kinahanglan.Tagsa ka tricycle drayber ang nagbaton sang tig P5,000 nga cash. Tuyo sini nga mabuligan sila sa tunga sang pag timbuok sang presyo sang langis...

Tigayon na nga nakapauli ang Bacolodnon Overseas Filipino Workers nga nagpangayo sang tabang sa Help Desk nga ginpatukod sang siudad bangud sa kinagamo sa Middle East.Ini ang ginkumpirmar sang City Administrator’s Office. Sandig sa ila record, pito sa nakapauli na ang nag gikan sa United Arab Emirates, apat ang gikan sa Kingdom of Saudi Arabia, tatlo sa Kuwait, kag tig-isa sa Qatar kag Bahrain.Ginsiling ni Mayor Greg Gasataya nga matapos mag request sang repatriation ang ini nga mga OFWs, ginhatagan nila gilayon ini aksyon agud mapalab-ot sa Department of Migrant Workers.Nag diutay naman ang mga nagatawag sa ila nga help desk sa sini nga tinion.Nagaplano man ang siudad nga maghatag sang bulig sa amo nga mga OFW samtang indi pa sila makabalik sa ila gina-obrahan.

Humalin las dose kaina sang kaagahon sang Hwebes tubtob la una sang hapon lima ka beses nga nag buga sang abo ang bulkan Kanlaon.Bulkan Kanlaon nag buga sang abo 6:24 sang aga sang Abril 9, 2026 Mj Guardiano photoMay time lapse footage sang ash emission sang bulkan.Ang isa ka video ang na record sang Kanlaon Volcano Observatory-Canlaon City humalin las 6:24 sang aga tubtob las 6:29 sang aga.Ang amo nga ash emission ang nag generate sang grayish plume nga nagsaka tubtob sa 1,200 meters sa ibabaw sang summit crater.Ang ika duha nga video nga na-record naga pakita sang ash emission nga nag sugod 12:58 PM tubtob 01:45 PM sini man nga adlaw. Ini naman ang nag generate sang grayish plume nga nagtaas tubtob 900 meters sa ibabaw sang crater antes nagpadulong sa sur.Samtang, s...