Las otso sang kagab-i, Mayo 7, natunaw na ang low pressure area nga gina monitor sang PAGASA sa Mindanao gani ang easterlies ukon ang mainit nga hangin halin sa Pacific Area amo ang naga apekto sa Pilipinas sa karon.
Ang P1 billion nga Negros Occidental Convention Center sa Silay City ang target nga mahuman sa ulihi nga mga binulan sang 2027 ukon sa una nga mga binulan sang 2028.May gin pasalig naman nga pondo para sa pag paayo sang Bacolod-Silay Airport.Ini ang gin-announce ni 3rd District Representive Javier Miguel Benitez sa mass graduation sang 2,065 ka scholars sang Technical Education and Skills Development Authority ukon TESDA sa Victorias City Coliseum sang kahapon, Mayo 7.Suno kay Benitez maragtason ang kahiwatan, kay ini ang pinaka una nga tion nga ginpatigayon ang district-wide TESDA mass graduation ceremony.Sa iya nga speech sa graduates ginsiling ni Benitez nga ang convention center nga may 6,200 capacity kag ang paayuhon pa gid nga airport ang maga dala sang dugang nga mga...
Makita sa video nga may pila ka mga persona sa gihapon ang nagahaboy sang basura sa bahin sang Reclamation area. Hugot nga ginadumilian sang siudad ang paghaboy sang basura sa amo nga lugar bangud indi ini designated area. Nakilal-an na sang Land Transportation Office ang tag-iya sang salakyan nga gingamit kag ini ang taga Barangay Bata. Nagpasalig man ang ahensya nga maga-issue sila sang show cause order sa tag-iya sang salakyan. Magluwas sini, may isa man ka persona ang nakit-an sa isa ka creek sa Barangay Mandalagan nga naga-ula sang iya basura. Biyernes sang aga, Mayo 8, ginpatinluan na sang siudad ang Sulom creek sa Barangay Mandalagan. Ginmanduan ni Mayor Greg Gasataya ang kapulisan kag City Legal Office nga maghimo sang tikang agud matapn...
10,000 pesos ang allowance sang tagsa ka delegates nga nag gikan sa siudad sang Bacolod City para sa paalaboton nga Palarong Pambansa sa Agusan Del Sur.Ini ang kabahin sang ginpain nga pondo sang siudad nga 17.3 million pesos. Ginsiling ni Bacolod City Mayor Greg Gasataya nga may 286 ka delegates ang siudad nga mangin tiglawas sang Negros Island Region sa pinakadako nga sporting event sang Department of Education. Lakip diri ang 188 ka mga atleta, 46 ka mga coaches kag assistant coaches, 36 ka trainers, kag 11 ka chaperone. Suno sa alkalde, 36 porsyento sang mga tiglawas sant NIR sa secondary level ang gikan sa Bacolod samtang 30 porsyento naman sa elementary level. Magluwas sini, ginsabat man sang siudad ang transportation kag accommodation sang tan...
Sa Mayo 15 i-deploy sang Public Employment Service Office sang Bacolod City ang 975 ka pamatan-on nga nagpakigbahin sa summer job 2026.Ginsiling ni Jovelyn Canoy, PESO Coordinator nga 200 diri ang yara sa idalum sang Department of Labor and Employment samtang 775 naman ang sa idalom sang Bacolod City Government. Lakip sa mga nahatagan sang slots ang mga out of school youth, junior kag senior high school students, kag mga graduating students. Bente ka adlaw ang kinahanglan nga obrahan sang mga benepisyaryo. Suno kay Canoy, luyag sang siudad nga i-deploy ang iban nga pamatan-on sa mga barangay agud mag census kun pila ka porsyento sang Bacolodnon nga naga edad 18 tubtob 30 anyos ang wala pa sang trabaho. Samtang ang mga graduating students ang iga-assign sa mga...
Isa ka nagabusong nga melon-headed whale ang nakit-an sa higad sang baybay sa Pantawan Rizal Boulevard sakop sang Brgy. Tinago sa Dumaguete City, Miyerkules sang hapon.Ginabulubanta sang Coast Guard nga duha ka metros ang kalaba-on sang nasambit nga balyena kag nagabug-at sang kapin 60 kilos.Sa karon, ginturn-over ang balyena sa Bureau of Fisheries and Aquatic Resources-Dumaguete para sa examination agud mahibaluan ang gintunaan sang iya kamatayon.Igalubong ang nasambit nga balyena in santo sa environmental protocols.*
Nagpatigayon ang otoridad sang disposal sang nakumpiskar nga smuggled nga sigarilyo sa Talisay City Sanitary Landfill sa Barangay Concepcion, Talisay City subong nga Huwebes, Mayo 7 agud indi na ini liwat makuha kag mabaligya pa.Ginpaidalum ang mga iligal nga sigarilyo sa shredding, ginhuloman sa tubig kag ginpanglubong, bilang pagsunod man sa regulations sang sanitary landfill.Nalakip sa mga ginpang-guba amo ang 11,450 ka reams sang smuggled cigarettes nga nakumpiskar sa operation sadtong Mayo 19, 2025 sa Barangay Tiling, banwa sang Cauayan, Negros Occidental.Nagabalor P8.9 Million ang mga ginpang-dispose nga sigarilyo.*
Isa ka babayi ang gina alegar nga nahulog gikan sa roro vessel nga naga biyahe halin sa Dumangas pa Bacolod pasado ala una sini nga hapon.Suno sa isa sa mga pasahero sang roro nga si Eben Evangelista, indi pa man matumod kun naglumpat ukon nahulog lang gikan sa roro ang amo nga pasahero. Nakibot na lang sila sang makita nga may persona na nga naga lutaw-lutaw sa dagat.Gin-rescue ang pasahero kag tigayon nga nakuha gikan sa baybay kag liwat nga nakaraga sa roro. Naghinagagw naman balik ang roro sa Dumangas para madala sa ospital ang amo nga persona.Yara na sa tunga tunga sang baybayon sang Duamngas kag Iloilo ang roro sang matabo ang insidente.*
Banwa sang Toboso ang maga balik na sa regular nga 5 day work week sumugod sa madason nga semana, Mayo 11.Ginsiling ni Mayor Richard Jaojoco nga mas maayo pa nga mag balik sila sa lima ka adlaw nga regular nga trabaho para mas mapaayo ang ila nga operational efficiency. Ang four day work week suno sa iya ang nagtuga sang pag guot sang trabaho rason nga na apektuhan man ang delivery sang essential services.Dugang pa niya sa four day work week, bangud sang gin extend man nga oras, wala na sang mga kliyente pa nga naga padulong sa talatapan sang mga government offices sa hapon na gid.Naga gamit sila sang solar energy, kag sa hapon suno sa iya naga nubo na ang efficiency man sang solar energy sa ila nga mga opisina.Indi man maka conserve sa langis sa kabilugan bangud sa 4 day w...
Mga Congressman sa Negros Occidental ang gina paabot maga paabor sa pag impeach kay Vice President Sara Duterte.Ini suno sa kaalyado sang bise presidente nga si Atty Jesus Jayvee Hinlo nga naga serbe man nga deputy Secretary General for Visayas sang PDP Laban.Sa interview sang media kay Hinlo, iya ginpahayag nga kaangay sang natabo sa una nga impeachment batuk sa bise presidente nga wala man napadayon, ang mga congressmen sa probinsya ang nag boto pabor sa impeachment.Gina paabot na nila nga matigayon impeach sa boto sa Lower House si VP Sara, labi nga nga 1/3 nga boto man lamang sa Lower House ang kinahanglan.Naga pati si Hinlo nga indi tigayon nga makuha ang 2/3 nga boto gikan sa Senado.Ang House Committee on Justice sang Lunes ang unanimous nga nag approve sang c...
