Nagapadayon sa karun ang pagkaayo sang Bacolod City LGU sang 1,183 ka mga classrooms sa 25 ka mga pampubliko nga eskwelahan sa siudad.
Ini ang mga classrooms nga nagkalaguba bangud sa mga bagyo kag kalamidad nga naglabay sa Bacolod.
Ginsiling ni Bacolod City Mayor Greg Gasataya nga ginapaabot nga matapos na ang pagkaayo sang amo nga mga classrooms antes matapos ang Nobyembre ukon sa una nga semana sang Disyembre.
Lakip sa mga ginkaayo amo ang mga guba nga kisame, bintana, mga suga, kag ang mga comfort rooms sang mga eskwelahan.
Naupod man sa amo nga rehabilitasyon ang pagbakal sang dugang nga mga electric fans para sa tagsa ka classroom suno sa alkalde.
Kumpyansa man si Gasataya nga mahuman na ang tanan nga classrooms antes magsugod ang Batang Pinoy 2026 sa Disyembre 12, bangud ang iban nga mga eskwelahan ang gamiton bilang billeting areas sang mga atleta.
Magluwas sa 1,183 ka mga classrooms nga ginakaayo sa karun, sa una nga quarter sang 2027, may iban pagid nga mga eskwelahan ang ipakaayo man sang siudad.
[sibwp_form id=1]