Opisyal na nga nagsugod ang voter registration subong nga adlaw.
Sa Bacolod City, sini nga semana yara sila sa SM City. Gin pakamaayo nila suno kay Provincial Elections Supervisor, Ian Lee Ananoria nga amo man sa karon ang naga pungko bilang Election Officer sang Bacolod City nga sa mall patigayunon ang registration bangud man sang kainiton sang panahon subong. Sa masunod nga semana sa Robinsons ang voter registration sang Bacolod.
Sa Dumaguete City, makita ang pag pila sang mga nagpadulong sa talatapan sang COMELEC.
Suno kay Ananoria, humalin sa transfer, correction of entry, reactivation kag new registration ang sarang ma accommodate sang COMELEC.
Gina haylo nila ang publiko nga indi na mag hulat pa sa katapusan nga mga inadlaw sang voter registration. Tubtob July 30, 2027 ang voter registration.
Ang mga may kabudlayan mag padulong sa talatapan sang COMELEC mag monitor sa schedule sang satellite registration suno kay Ananoria.
“Kinahanglan gid as much as possible maka register kita early. This is for the 2028 elections. One of the most important elections sa aton nga pungsod. Indi na ta mag hulat sang last minute nga linya kag ma cut off naman. Those who can register those who make time makadto sa amon office, kun wala, I monitor niyo lang kay ma satellite registration man kami sa mga barangays all over the province kag kami ang mag palapit sa inyo,” suno kay Ananoria.
[sibwp_form id=1]