Ipasiguro ang tubig, pagkaon kag handong sang kasapatan.
Ini ang una nga pahanumdom sang Provincial Veterinary Office sa mga manugsagod sang sapat karon nga may super El Niño.
Dapat magtigana sang limpyo kag bastante nga tubig sa mga kanding, karbaw, manok, baka kag mga baboy nga gina sagod.
Ang na tipon ukon natigana nga tubig dapat yara sa matinlo nga suludlan.
Ang pagkaon dapat hilway sa agup-op, indi basa ukon nag baho na.
Ang mga ilistaran sang kasapatan ukon kurong dapat mahandong kag may maayo nga bentilasyon.
Siguraduhon nga may bastante nga pagkaon. Sarang magtipon sang dagami ukon feeds ipasiguro lamang ang maayo nga storage.
Kun mag pakaon suno sa Provincial Vet dapat indi sa mainit nga oras.
Pabaskugon man ang biosecurity.
Magbuhat sang mga tikang para ma proteksyonan ang kabuhi sang kasapatan.
Sa karon suno kay Dr Placeda Lemana ang Provincial Veterinarian wala pa sang report angut sa kahalitan sang El Niño sa mga kasapatan. May dry spell na sa karon ang Negros Occidental.
[sibwp_form id=1]