Bangud sa kadamuon sang ginpaabot nga bisita, kalabanan sang mga hotels kag accomModation providers sa Bacolod ang fully booked na para sa amo nga semana.
Ginsiling ni Bacolod City Administrator Atty. Mark Steven Mayo nga samtang may yara mga atleta nga nagpa book sa hotels, may yara man iban nga mga LGUs ang nagtugda na nga sa mga billeting areas sa mga public schools sila matenir sa tion sang kompetisyon.
May pila naman ka mga dalagko nga LGUs ang gin-akupar na ang bilog nga hotel para sa ila mga atleta. Lakip na diri ang Makati kag Pasig.
Suno kay Mayo, ila naman ginpatawag ang mga transport and food providers sa siudad agud mahatag nila sa Philippine Sports Commission ang listahan sang mga legit nga mga providers.
Ini naman ang basehan sang mga LGUs agud malikawan ang mga scams.
207 ka mga LGUs ukon masobra sa 35,000 nga mga atleta ang ginapaabot nga magpadulong sa Bacolod City para sa amo nga kompetisyon.
Nagapadayon sa karun ang pagpanghanda sang Bacolod City para sa paghost sang Batang Pinoy 2026 sa Disyembre 12 tubtob 18.
[sibwp_form id=1]