Matapos magpatuman sang dako nga rollback sa presyo sang gasolina sang Martes, tubtob mag gab-i may pilahay sa mga gas stations sa Bacolod.
Sa pihak sang mga reklamo sang mga motorista nga may mga gas stations nga wala naga patuman sang gin anunsyo nga rollback nga masobra sa P16.00 sa gasolina, masobra sa P4 sa diesel kag masobra sa P3 sa kerosene, suno sa Department of Energy mahimo ini sila ireklamo sa 8-8-8-8 kag sa petroleum product concerns sa egovPH nga app.
Sa Metro Manila may mga tiglawas na sang DOE nga naga check sa presyohanay sang produkto petrolyo sa mga gas stations kasunod sang mga reklamo sang motorista.
Sa Bacolod may mga netizens nga naga reklamo nga may gas stations nga naga siling nga old stocks pa ang ila gina baligya gani wala pa nagnubo ang presyo pero wala man sang may direkta nga gintumod nga gas station.
[sibwp_form id=1]