P5.6 million ang tigayon nga na save sang Negros Occidental dala sang rooftop solar PV installation sa tatlo ka mga buildings sini.
Sa Food Terminal Market P1.2 million ang na save sa balayran sang kuryente sa sulod sang siyam ka bulan. Sa Negros Residences naman, P1.6 million ang tigayon nga na save.
Sa building sang Kapitolyo Probinsyal P2.6 million ang na save sa sulod sang 13 ka bulan.
Ginsiling ni Negros Occidental Governor Eugenio Jose Lacson, sa katapusan sini nga bulan gina paabot nga mangin operational naman ang solar panels nga gin install sa Negros First CyberCentre kag gina paabot nga dugang ini nga savings sa galastuhan sang probinsya sa kuryente.
Partner sang probinsya ang Wegen Energy Philippines Inc nga amo ang nag install sang mga solar panels. Wala sang kagastuhanan sa bahin sang probinsya ang amo nga installation. Tigaylo, ang probinsya ang naga bayad sa Wegen sang kuryente sa mas barato nga bili – P6.80 per kWh. Ang rate sang Negros Power sa karon ang yara sa sulusobra P14 per kWh.
Gina haylo ni Negros Occidental Governor Eugenio Jose Lacson ang mga private individuals ukon mga pamalay nga mag shift sa green ukon renewable energy.
[sibwp_form id=1]