Nagsaka sa 43 ang dengue related deaths sa Negros Island Region.
Ini base sa January 1 to October 31, 2026 nga report sang Negros Island Region for Health Development.
May 7,748 ka dengue cases ang na-record sa amo nga period. Kag kun ipaanggid ini sa kasubong nga tion sang 2025, nubo sa 5.6 percent ang kadamuon sang dengue cases nga na record subong nga 2026.
Suno sa Department of Health Negros Island Region sa mga nag ka dengue ang yara sa age group nga 6 to 10 year old ukon school aged children ang nag record sang pinaka madamo nga kaso – 1,319 cases ukon 17 percent.
Sa dengue related deaths yara sa gihapon sa 6 to 10 year old nga age group naka record sang pinaka madamo nga dengue related deaths – 13.
Gina sundan ini sang yara sa 21 to 30 nga age group – 6 dengue related deaths kag 31 to 40 nga age group – 5 dengue related deaths.
Padayon ang panawagan sang otoridad sa publiko nga mag mangin matinlo sa palibot para malikawan ang balatian nga dala sang lamok.
Kun naga lain ang pamatyag labi na ang pag hilanat mas maayo nga mag konsulta sa duktor ukon mag bisita sa pinaka malapit nga health center.
[sibwp_form id=1]