Balita Hiligaynon

Ginkondenar ni Senator Risa Hontiveros ang shooting incident nga natabo kagab-i sa sulod sang Senate Building. Ginkabig man sini nga "new low" ang natabo.Nakapauli na sila kag iban pa nga empleyado sang senado kay natapos na ang session sang matabo ang kinagamo sang kagab-i.Ginahangkat man ni Hontiveros ang kaupod sini nga si Senator Bato Dela Rosa nga magsungka na sa lokal nga otoridad agud mahatagan sang nagakaigo nga tikang ang tensyon nga nagakatabo sa karun sa Senado.Dugang pa niya, ang pagpamalabag sang senate leadership sa pag-aresto kay Dela Rosa ang gintunaan sang komosyon.Ang gulpyada nga pag-ilis sang senate leadership ang unexpected suno sa senador. Apesar sini, nagapati man siya nga posible may kaangtanan ini sa paalaboton nga impeachment trial sang bise pr...

Naga-preparar sang iya palanyapunon ang isa ka mangunguma sang siya ang gintiro kag napatay sa Barangay Mina-utok, banwa sang Calatrava, Miyerklues sang gab-i.Nag-gwa sa imbestigasyon nga yara sa sulod sang balay ang biktima nga si alyas “Gery”, 53-anyos, sang nanuktok sa pwertahan ang suspek.Sang ginbuksan sang biktima ang pwertahan, gulpi lang siya nga gintiro sang suspek gamit ang wala pa mahibaluan nga calibre sang pusil.Nagpalagyo ang suspek pakadto sa nabukid nga bahin sang Calatrava. 

PHIVOLCS photo taken 10:54 pm, May 11, 2026Faint na ang banaag ukon crater glow nga ulihi namutikan sa bulkan Kanlaon kun ipaangid sa nagliligad nga gab-i.Ini suno kay Director Teresito Bacolcol sang Philippine Institute of Volcanology and Seismology nga nag paathag nga ang banaag indi indikasyon sang major eruption.Suno kay Mari-Andylene Quintia ang resident volcanologist ulihi nga namutikan ang banaag 2:41 am sang Mayo 13.Ginsiling ni Bacolcol nga ang banaag lamang indi “enough basis” nga makasiling sila nga matabo ang hazardous eruption. Sa gihapon sa pag assess sang sitwasyon sang bulkan Kanlaon ang iban nga parameters kaangay sang pagsaka sang volanic earthquakes, sulfur dioxide emission, ground deformation kag eruption activity ang ila bilog nga gina analyze.Ang c...

2,325 pesos ang ayuda nga nabaton sang 613 ka mga mangunguma sa siudad sang Bacolod Miyerkules sang aga sa idalum sang Presidential Assistance to Farmers and Fisherfolks nga programa sang gobyerno nasyonal.Suno sa Department of Agriculture, kinahanglan nga may miyembro sang Registry System for Basic Agriculture ang isa ka mangunguma agud ma qualify sa sini nga programa.Panawagan ni Engr. Albert Barrogo, DA-NIR Regional Executive Director sa mga nagareklamo nga wala malakip sa listahan, magpakig-angut lang sa Bacolod City Agriculture Office agud masaysay sa ila ang mga rason ngaa gin-disqualify sila.Indi man mahatag sang DA ang ayuda sa isa ka benepisyaryo kon mapaslawan ini nga magkadto Miyerkules sang aga, magluwas na lamang sa mga bedridden beneficiaries nga DA mismo ang madu...

Tubtob sa Mayo 15 na lamang si Provincial Health Officer, Dr Girlie Pinongan kag siya ang maga retiro na gikan sa serbisyo.Suno kay Provincial Administrator, Rayfrando Diaz, maka duha na nila ka beses nga gin-extend ang serbisyo ni Pinongan.Sa iya nga pagbiya maga butang anay sang maga serbe nga Officer in-charge suno kay Diaz. Sa karon wala pa makalab-ot consensus ang medical team sa posible maga bulos.Mahimo nga sa masunod nga isa ka bulan may ngalan na nga maga gwa sang posible maga tal-os kay Pinongan.Pero, nahuman na ang proseso para sa duha ka PHO 1 nga position suno kay Diaz. May yara na sang candidates nga iga recommend ky Governor Eugenio Jose Lacson.Sila ang maga take charge sang public health services kag ang isa naman ang maga take charge sang planning kag p...

Nagdangat na sa 27 ka mga bata nga nagatenir sa dalanon ang tigayon na nga na-rescue sang Bacolod City Anti-Mendicancy Division sang Department of Social Services and Development humalin Enero sini nga tuig.Ginsiling ni DSSD Head Richelle Verdeprado-Mangga, nga 17 sa mga na rescue ang ila na gin-refer sa mga centers kag foundations sa siudad samtang ang iban naman ang ginbalik sa ila mga pamilya.May mga na rescue man sila nga mga months old palang nga mga bata nga yara man nagatenir ang ginikanan sa higad sang dalan.Suno sa iya, dako nga pagpanghangkat sa siudad ang pagbalik-balik sang mga bata sa dalan bisan makapila na nila ka beses nga na rescue ang mga ini.Nagapaandam man ang siudad sa mga ginikanan nga nagapabaya sa ila mga kabataan nga posible sila makuhaan sang paren...

Nanguha sang Angel Wings ukon Diwal ang mangingisda sang siya ang nalumos sa baybayon nga sakop sang Purok 4, Barangay Palaka sa banwa sang Valladolid, pasado las 6 kaina sang aga.Nag-gwa sa imbestigasyon nga si alyas “Bert”, 44-anyos, taga Brgy. Poblacion sa Valladolid, upod ang iban pa nga mga manugsalom ang nanguha sang Diwal apang matapos ang pila ka minutos, nadeparahan sang iya mga upod nga wala na makabutwa ang biktima.Nagsalom ang iya mga upod agud pangitaon ang biktima kag didto na siya nakita sa idalom sang tubig. Ginbuligan nila nga mapahigad ang lawas sang biktima.Ginsiling sang imbestigador nga wala sang may nakita nga pilas sa lawas sang biktima kag suno sa iya asawa, nag-inom-inom kagab-i ang biktima kag kaina sang aga, indi na manami ang iya pamatyag.Gindala...

Patay ang isa ka rider, samtang pilason ang duha ka iban pa kag isa ka persona nga naulamid sa pagbungguanay sang tatlo ka mga motor kag dump truck sa Economic Highway sa Purok Badyang sa Barangay Sum-ag sa Bacolod City, mga las 9 sang kagab-i, Mayo 12.Ginsiling ni Police Major Elmer Bonilla, chief sang Traffic Enforcement Unit, nagapalumba-anay ang tatlo ka mga imbulbado nga motorsiklo kag posible wala nila makita ang truck.Nag-gwa sa imbestigasyon nga yara sa center island, nagapa norte ang dump truck nga ginamaneho ni alyas “Romie”, sang magaliko kuntani ini pawala sa Economic Highway.Apang nakabunggo ang tatlo ka mga motorsiklo nga nagapadulong sa East sang Economic Highway.Nagkalapilasan ang duha ka riders, apang ang isa sa ila nga ginkilala kay alyas “Louie”, taga Br...

Gintiro sang motorcycle-riding suspects ang isa ka soldado kag CAFGU sa Purok Kalubihan, Barangay Maquiling sa Sagay City, Martes sang hapon.Ang mga napatay amo ang 48-anyos nga miyembro sang Philippine Army, may ranggo nga Corporal, kag residente sang Zarraga sa Iloilo; kag isa ka CAA member, 26-anyos, nga taga Barangay Celestino Villacin sa Cadiz City.Naka-assign ang soldado sa 79th Infantry Battalion bilang assistant detachment commander sa patrol base sa Brgy. Celestino Villacin. Wala sila ginhingadlan sang PNP.Sakay sa motor ang duha ka mga biktima halin sa ila detachment pakadto sa Brgy. Bato sa Sagay sang sila ang gintiro sang mga suspek nga armado sang pusil.Ginsiling ni 1st Lt. Fevie Fajardo, Civil Military Operations Officer sang 79th IB, maninda kuntani ang sold...