Pag diutay sang volume sang tubig ang amat-amat na mabatyagan sang mga mangunguma sang palay sa idalom sang FIACN-BRIS.
Ginsiling ni Pedro Limpangog ang presidente sang Federation of Irrigators Association-Bago River Irrigation System nga ang sa north district nila yara na sa land preparation ukon naga sugod na handa para sa liwat nga pag pananum bangud kinahanglan nga i-arado.
Paathag ni Limpangog sa ini nga stage daku nga volume sang tubig ang ginakinahanglan. Gani, may delay sang tubig karon sa south district.
Nagapati si Limpangog magluwas sang kadakuon sang volume sang tubig nga ginakinahanglan sang north district, ang pag nubo sa volume epekto man sang pag biti sang init karon dala sang El Niño.
May na plastar na nga schedule sila nga madugay na gina sunod sa patubig gani bisan pa sadto nga nag igo man ang El Niño ang ila nga rice production wala na apektuhan.
Ang gina lantaw lang nila amo ang mga yadtong sa tail-end ukon sa punta na sang irigasyon nga mas maayo nga mag kambyo anay sang crops para enkaso nga maglala ang epekto sang El Niño indi na sila maigo ukon mag pa mierde pa kun humay ang ila nga itanom.
“Amo na gina survey naton, together sang NIA man, kun sa diin pa gid pwede namon ma source sang tubig like sa mga shallow well dira nga pwede mapasuyupan para maka augment man sa aton irigasyon. Epekto na gid sang El Niño ni, mabatyagan na naton ang sakit sang init sang hangin. Dasig mag mala ang tubi naton kun mainit ang hangin”, suno kay Limpangog.
[sibwp_form id=1]