Naglapta sa social media ang video sang iligal nga drag racing activity sa dalan nga sakop sang La Carlota City, kon diin makita ang isa ka referee kag duha ka mga motorcycle riders nga nagapalumba-anay.
Magahod ang tambutso sang mga motor kag wala sang helmet ang mga riders sini. Mabatian man ang paghinugyaw sang mga tumalan-aw.
Nagresponde sa area sa Hacienda Fe, Barangay Batuan sa La Carlota ang kapulisan apang bystanders na lang ang ila naabtan kag wala na ang mga riders.
Ginsiling ni Police Capt. Arvie Esquillo, deputy chief sang La Carlota PNP, ila pa gina-trace ang uploader sang video agud magbulig identify sa mga imbulbado nga riders.
Padayon pa ang imbestigasyon sang PNP sa insidente.
[sibwp_form id=1]