Balita Hiligaynon

Gin hinyo nga moratorium sa pagpauli sang mga stranded individual sa Victorias City kag San Carlos ang gin aprobahan sang Regional Inter Agency Task Force.Suno kay Zeaphard Caelian ang Provincial Incident Management Team commander nabaton na nila ang resolution amo nga naga abiso na sila sa mga luyag magpauli sa Victorias City kag San Carlos City nga yara sa Manila ukon Cebu ukon sa iban nga bahin sang pungsod nga indi anay magpadulong sa puerto ukon airport bangud indi sila makasakay bangud sang moratorium.Oktubre 23 tubtob 30 ang moratorium sa Victorias kag Oktubre 23 naman tubtob Nobyembre 6 ang sa San Carlos. Suno kay Caelian ang hinyo sang LGU tuga sang pagkapuno man sang ila nga mga quarantine facilities. iga endorse naman sang PIMT ang hinyo sang Cadiz City nga moratorium pa...

Cadiz BFP photoIsa ka kapehan sa merkado sang siudad sang Cadiz ang nasunog pasado las dos kaina sang kaagahon.Suno sa Cadiz Bureau of Fire Protection totally destroyed ang Jona’s Cafe nga gina panag iyahan ni Joel Fallorina.Partially damaged naman ang katupad sini nga stock room nga gina panag iyahan man ni Fallorina.Suno sa ground commander nga si SFO3 Vic Cordero electrical short circuit ang ila nga ginalantaw ginhalinan sang kalayo.Ginabulubanta 80,000 pesos ang balor sang kahalitan sang sunog.Wala naman sang may nasamaran sa nagluntad nga suno.

Talisay PNP photoArestado ang isa ka manunudlo kag ang empleyado sang isa vulcanizing shop matapos sila makuhaan sang iligal nga droga sa buybust operation sang kapulisan sa isa ka Vulcanizing Shop sa Mabini highway, Brgy Zone 2 sa Talisay City.Ang subject sang buybust amo ang manunudlo nga si John Paul Insular nga yara sa top drugs watchlist sang Talisay PNP kag isa man ka high value target.Suno sa PIO sang Talisay PNP nga si Police Corporal Rolaine Dairo, malawig na nila nga na monitor si Insular kag masami siya nagabilin sang iya nga items sa vulcanizing shop.Ang empleyado sang shop nga si Joenefer Juson ang gindakop man.Nakuha sa ila ang 21 ka sachet sang ginapatihan shabu nga nagabalor sang P34,000.Detained karon ang duha kag kaso nga pagsupak sa RA 9165 an...

Escalante PNP photoPatay ang traffic enforcer sa siudad sang Escalante nga si Julieto Limbaga matapos paarakan tiro sang mga armado Martes sang aga sa Barangay Paitan sa Escalante City.Suno sa investigator nga si Police Staff Sargeant Janry Lopez, sakay sa iya nga tricycle ang biktima sang siya ang gin papondo krag ginpapanaog sang kapin 10 ka mga armado nga persona kag gin paarakan luthang.Nakuha sa crime scene ang apat ka basiyo sang M16 kag duha naman ka basiyo sang 9mm pistol.Si Lopez nagsiling nga posible katapo sang New People's Army ang sa likod sa pagpatay kay Limbaga bangud sa ila natukiban nga siya ang isa ka anay CAFGU member.May posibilidad man suno sa pulis nga ang mga armado nga nagpatay sa enforcer amo man ang mga suspek sa pagpatay sa driver sang pat...

Capitol file photoMay dugang nga duha ka mga migratory workers ukon mga sakada ang nag positibo sa COVID-19.Suno kay Zeaphard Caelian ang incident commander sang Provincial Incident Management Team, kahapon nila nabatun ang test result.Sa karon may walo na ka mga sakada ang nagpositibo sa virus.Ini sila ang na isolate na.May 1,808 na ka mga sakada ang nag abot sa probinsya gikan antique. Ang pinaka ulihi ang nag abot kahapon.Ginapaabot nga may 4,000 tubtob 5,000 ka mga sakada ang maga abot sa probinsya.Nagahinyo naman si Caelian sa mga contractor nga mag pakig angut sa probinsya sa kada may mag abot nga sakada agud nga mangin masulhay kag ma handa na nga daan ang mga nagaakaigo nga dokumento ilabi na nga ini sila ang gina paidalom sa swabbing pag abot sa pwerto....

City PIO file photoKaron nga naganubo na ang mga kaso sang COVID-19 sa Bacolod City ginpahayag sang chief executive officer sang MBCCI nga si Frank Carbon nga nakahanda na nga magbaton sang mga turista ang siudad.Suno sa iya, madamo na nga mga hotels, restaurants kag resort sa Bacolod ang naka comply sa pagsulundan sang National Inter Agency Task Force sa pagpatuman sang minimum health protocols sa ila tagsa ka mga establisimiento komersyal.Pero ginpahayag ni Carbon nga may kabudlayan sa karon ang pagkadto sang mga turista sa Bacolod bangud nga wala pa nakabalik ang commercial trips sang mga fast craft kag roro vessels kag may nakabutang pa gid sa ginpapanaug nga executive order ni Bacolod Mayor Evelio Leonardia nga ginadumilian pa ang “travel for leisure” sa siudad.Nagalau...

Siudad sang Kabankalan may pinakamataas nga active COVID-19 cases sa mga banwa kag siudad sa Negros Occidental sandig sa ginpagwa nga datus sang Provincial Incident Management Team.As of October 21, may 153 ka active cases ang siudad.Suno kay Mayor Pedro Zayco, nag patigayon sila sang mass testing sang nagliligad nga semana, gani suno sa iya, iya na nga ginpaabot ang pagsaka sang kaso.Pero, suno sa alkalde sa nagliligad nga inadlaw iya naman nakit-an ang pagnubo sang ila nga kaso.Sa datus sang kabankalan, matapos ang tatlo ka adlaw nga wala sang may na record nga kaso sang COVID-19, ang bag-o nga kaso gin-report sang October 21 naman ukon kahapon. Isa ka 69 anyos nga lalaki ang bag-o nagpositibo sa virus.Sa mga barangay sa siudad ang Barangay 9 kun sa diin napahamtang a...

PTV file photoMay 15 ka mga kaso sang rabies sa ido ang na-record sang Provincial Veterinary Office humalin sang Enero tubtob Setyembre 30 sini nga tuig.Sa kasubong nga tion sang 2019, may 15 man ka kaso sang rabies ang na-record.Suno kay Provincial Veterianarian Dr. Renante Decena, 20 ang na-record nga rabies cases sang bilog nga 2019, mas nagnubo ini kun ipaangid sang 2018 nga may 33 ka kaso.“Sa subong (kun ipaanggid sa 2019) daw amo amo gihapon. Ang areas nga affected Himamaylan and Cauayan. The same ni sya last year. Kag ang sa Mansilingan ang sa Bacolod nga area. So ma duging sa gihapon ang kaso sang rabies sa Negros Occidental kay damo stray dogs. Nadula ang tawo sa street ang ido naman ya ang nagadamo”, suno kay Decena.Sa datus sang Provincial Veterinary Office a...

Sa Bacolod Memorial Park, masako na ang pag paninlo sa mga lulubngan gikan sa mga hilamon.Suno kay Milagros Negre nga sa isa mga naga panilhig mismo ang tagdumalahan sang memorial park ang naghire sa ila kag adlaw-adlaw naman gid sila nga naga paninlo ugaling mas masako na sila karon ilabi na nga naga amat-amat na ang pagbisita sang iban, sa ila nga mga minatay.Ang panahon lamang subong nga masami may pag tupa sang ulan ang naga pa untat sang ila nga trabaho. Sa Oktubre 29 na abisuhan na sila nga maga sira ang patyo tubtob nobyembre 4 rason nga ginadalian man nila matapos ang ila nga trabaho.Sa Bacolod Public Cemetery naman naabtan sang Digicast Negros ang mga manugpinta kag mga manugpaninlo nga naga hulat sang customer. May pipila naman nga nag hatag na sang bulak sa ila nga ...