Shadow

Metro Bacolod Chamber of Commerce and Industry ang nagpahayag nga handa na nga magbaton sang mga turista ang mga hotel kag restaurant sa Bacolod

City PIO file photo

Karon nga naganubo na ang mga kaso sang COVID-19 sa Bacolod City ginpahayag sang chief executive officer sang MBCCI nga si Frank Carbon nga nakahanda na nga magbaton sang mga turista ang siudad.

Suno sa iya, madamo na nga mga hotels, restaurants kag resort sa Bacolod ang naka comply sa pagsulundan sang National Inter Agency Task Force sa pagpatuman sang minimum health protocols sa ila tagsa ka mga establisimiento komersyal.

Pero ginpahayag ni Carbon nga may kabudlayan sa karon ang pagkadto sang mga turista sa Bacolod bangud nga wala pa nakabalik ang commercial trips sang mga fast craft kag roro vessels kag may nakabutang pa gid sa ginpapanaug nga executive order ni Bacolod Mayor Evelio Leonardia nga ginadumilian pa ang “travel for leisure” sa siudad.

Nagalaum ang MBCCI nga kun ma downgrade na ang community quarantine status sang Bacolod sa modified general community quarantine sa madason nga bulan, magabalik na ang mga commercial trips kag pahanugutan na ang mga turista sa siudad.

Gindugang pa ni Carbon nga kun mahimo makahatag ang lokal nga pangulohan sang temporaryo nga mga palangabuhian sa mga displaced workers samtang naga-amat amat man bangon ang mga negosyo tubtub nga magbalik sa normal ang ekonomiya.

Leave a Reply

Your email address will not be published. Required fields are marked *

Secured By miniOrangeSecured By miniOrange