Balita Hiligaynon

City PIO photoSumugod sa maabot nga Lunes, Oktubre 26, indi na magbaton ang Bacolod City Health Office sang mga pasyente nga may ginabatyag nga mga sintomas sang COVID-19.Suno sa executive director sang Bacolod Emergency Operations Center kag City Administrator nga si Em Ang, ini agud malikawan nga malatnan sang virus ang mga nagabusong nga iloy nga nagapakonsulta sa Lying-In clinic sa sulod sang compound sang Bacolod CHO.Gindugang pa ni Ang, may mga nabaton sila nga report nga may mga nagabusong nga mga iloy nga nagpositibo sa virus kag ini ang indi nila luyag nga matabo.Ang mga pumuluyo nga nagabatyag sang mga sintomas sang COVID-19 kasubong sang ubo kag hilanat ang mahimo nga makapakonsulta sa Bacolod Respiratory Out-Patient Center nga nahamtang sa BAYS Center.Nagapl...

Gin dismiss sang korte ang kaso nga ginpasaka sa lima ka mga gina alegar drug suspects sa siudad sang Dumaguete ini matapos makita sa CCTV footage nga wala ini naga santo sa gina hambal sang mga PDEA agents sa matuod nga natabo nga buybust.Ang gina siling nga buybust ang nagluntad Hunyo sini nga tuig sa Dumaguete City.Base sa court order, nakita sa ebidensya nga iligal ang pag aresto sa lima ka mga akusado.Sa pahayag sang mga arresting officers, sila ang palareho nga na aresto sa balay sang isa ka asukado paagi sa buybust operation pero base sa CCTV footage, ginpamatuod sini ang pahayag sang mga akusado nga sila ang gin pickup sang PDEA agents sa nagkalain lain nga mga lugar kag sa nagkalain lain nga oras kag sila ang gindala lang sa balay sang isa sa mga akusado.Ginmando s...

Himamylan PNP photoPatay ang tricycle driver nga si Rolyn Guttierez matapos siya tiruhon sang riding in tandem kahapon sang hapon (October 20) sa Barangay 4 sa siudad sang Himamaylan.Ang biktima nga si Guttierez ang Top 7 sa drugs watchlist sang Himamaylan PNP kag siya ang gina alegar miyembro man sang Bugalon Drug Group.Suno sa deputy chief sang Himamaylan PNP nga si Police Lieutenant Alfred Mansoy, nagamaneho ang biktima sang iya tricycle kag siya ang may isa pa ka pasahero nga padulong kun tani sa sa merkado sang hinali na lang tiruhon si Guttierez sang riding in tandem.Patay na siya sang nag abot sa ospital bangud sang igu sang bala sa ulo kag sa tiyan.Wala naman masamaran ang iya pasahero.Nakuha ss crime scene ang duha ka empty shell sa .45 caliber pistol.P...

Khris Pardillo photoNag lab-ot sa 22 ka mga balay ang nagkalaguba sang malabyan sang buhawi pasado las dose sang udto sa Barangay Minapasok sa banwa sang Calatrava.Suno kay Zeaphard Caelian, pamuno sang Provincial Disaster Management Program Division, lima tanan ka balay ang totally destroyed kag 17 naman ang partially damaged.Wala man sang may napatay ukon napilasan suno kay Caelian.Naglawig sang 15 minutos ang nagluntad nga buhawi sa banwa.Wala man sang may gindala sa evacuation center suno kay Caelian bangud ang mga pamilya nga nawad-an sang balay ang nagpaligad lang anay sang gab-i sa ila mga himata.

Humalin pa sang Pebrero apektado na ang gamefowl industry sang probinsya.Suno kay Dr. Renante Decena, ang Provincial Veterenarian, sang nagligad nga tuig yara sa 15,000 tubtob 20,000 ka mga inugbulang nga manok ang ginapa gwa halin sa Negros Occidental sa tagsa ka bulan.Karon base sa datus, suno kay Decena yara na lamang sa 500 tubtob 600 ka mga inugbulang nga manok ang ma ship out, ukon 3 porsiento lamang sa kadamuon kun ipaanggid sa nagligad nga tuig.Tuga sang pandemya gin-suspend ang mga bulang.Ang Negros Occidental kilala sa mga inugbulang sini nga manok kag ini ang isa 5 billion peso industry.Pero indi lamang ang mga breeders ukon ang mga naga negosyo sang inugbulang nga manok ang apektado.Nadulaan man sang palangabuihan ang mga gamefowl handlers. May 30 tubtob...

Makit-an na ang pagsiga sang nagkalain-lain nga mga duag sang lights sa Halandumon Tower sa corner Gonzaga-Gatuslao Street kada gab-i.Pila ka bulan ini nga ginkay-o matapos mabungguan sang isa ka salakyan sang nagligad nga bulan sang Enero.Nangin kontrobersyal ang ini nga P4.8 million tower bangud sang negatibo nga mga reaksyon gikan sa mga netizens sang ini ang gin-inagurahan sang bulan ang Hunyo sang nagligad nga tuig.Para sa mga netizens gingamit nalang kuntani sa iban nga mapuslanon nga proyekto ang pondo pero ginpahayag sang lokal nga pangulohan nga isa ini ka landmark kag simbolo sang kadalag-an kag maragtas sang siudad.

Para mabuligan pagahag hagan ang padayon nga paglapta sang COVID-19 sa bug-os nga Negros Occidental, ang Negros Occidental Police Provincial Office ang nag himo naman sang tikang.Nag partner ang NOCPPO sa Let's Talk, isa ka IT service provider company, para sa isa ka contact tracing system.Ang ini nga contact tracing system nga ginatawag contracovid ang web based kag sarang sini mahibaluan kun nag positibo sa COVID-19 ang isa ka persona ukon naka contact siya sa nag positibo sa virus.Nag pilot testing na ang NOCPPO sang contracovid sa Murcia, Bago City, Silay City kag Talisay City kag suno kay Police Colonel Romy Palgue, nangin madinalag-on ang gin patigayon nga pilot testing sa mga lgu.Plano sa karon sang NOCPPO nga i centralize ang contact tracing system kag himuon ini sa...

Padayon sa karon ang pagpangita sang kapulisan sa isa ka preso nga nakapalagyo gikan Moises Padilla Police Station sang nagligad nga Miyerkules.Suno kay Police Lieutenant Wilma Silva, deputy PIO sang NOCPPO, may team na nga gintukod ang Moises Padilla PNP para mag pangita sa nakapalagyo nga inmate.Suno kay Silva, alas 6:30 sang aga sang Oktubre 14, nag reklamo ang inmate nga si Rico Layan, 23 anyos, sang palanakit sang dughan kag hilanat nga sintomas sang COVID-19.Gani bangud sang iya ginabatyag, siya ang ginpagwa sa detention cell kag siya ang dal-on na kun tani sang kapulisan sa ospital, ugaling samtang naga preparar, suno kay Silva nagpalagyo sa police station si Layan kag nagdalagan.May mga pulis man sa gate suno kay Silva ugaling madasig ang dalagan sang inmate.Nag...

Para ma regulate ukon ma likawan ang pag dugok sang mga pumuluyo sang siudad sa pito ka public cemeteries kag memorial parks sa Dumaguete City, gin mando sang lokal nga panguluhan nga dapat may pass ang nga pumuluyo sa pag padulong sa patyo.Ini ang ila gintawag nga kalag kalag pass.Ang tanan nga mga pumuluyo sang siudad nga maga bisita sa ila mga nagtaliwan nga himata humalin sa buwas tubtob Oktubre 28, kag sa Nobyembre 5 tubtob 7, dapat sila ang may kalag kalag pass nga mapakita.Tagaan man sang isa lang ka oras ang tagsa sa ila pag bisita sa patyo.Maga pabilin naman nga sarado ang mga patyo sa Dumaguete humalin Oktubre 29 tubtob Nobyembre 4 bilang pagsunod sa national guidelines agud mapaiway ang pagdagsa sang mga mabisita sa patyo sa tigkalalag ilabi na nga madamo pa sa g...

Isa ka oversight kag honest mistake sa bahin sang Bacolod Emergency Operation Center ang natabo nga paghatag sang sala nga swab test result sa isa ka Locally Stranded Individual nga nag abot sa Bacolod City sang nagligad nga Oktubre 10.Ginpahayag ni Bacolod Mayor Evelio Leonardia nga personal niya nga gintawgan si Jonathan Espinosa kag nagpangayo sang pasaylo bangud sang misreading nga natabo sa EOC bahin nga nagresulta sa paghatag sang sala nga swab test result sa iya kag nagpahanugot sa iya nga magpauli sa iya pamilya.Oktubre 9 sang ginpahanugutan si Espinosa nga makapauli na sa iya pamilya bangud negatibo ang iya swab test result pero sang gab-i gintawgan siya sang barangay kag ginhambala nga positibo ang iya swab test kag ginpabalik siya sa quarantine facility.Ini ang nagtu...