Shadow

Walo ka adlaw antes magsugod ang temporaryo nga pagsira sang mga patyo sa Bacolod City, amat-amat na ang pagpaninlo sa mga lulubngan

Sa Bacolod Memorial Park, masako na ang pag paninlo sa mga lulubngan gikan sa mga hilamon.

Suno kay Milagros Negre nga sa isa mga naga panilhig mismo ang tagdumalahan sang memorial park ang naghire sa ila kag adlaw-adlaw naman gid sila nga naga paninlo ugaling mas masako na sila karon ilabi na nga naga amat-amat na ang pagbisita sang iban, sa ila nga mga minatay.

Ang panahon lamang subong nga masami may pag tupa sang ulan ang naga pa untat sang ila nga trabaho. Sa Oktubre 29 na abisuhan na sila nga maga sira ang patyo tubtob nobyembre 4 rason nga ginadalian man nila matapos ang ila nga trabaho.

Sa Bacolod Public Cemetery naman naabtan sang Digicast Negros ang mga manugpinta kag mga manugpaninlo nga naga hulat sang customer. May pipila naman nga nag hatag na sang bulak sa ila nga minatay.

Suno kay Ricardo Repogio, ang caretaker, padayon ang hilikuton sa sementeryo. Pero isitrikto nga ginpatuman ang health protocol. kun may ilubong limitado ang kadamuon kag importante gid ang physical distancing. Subong bisan gani sa mga manugpaninlo kag sa temprano nga magduaw sa ila nga minatay ginapasiguro niya walaaaa indi tuman kadamo ang yara sa sulod.

Damlag pa gin mando ang pagsira sang mga patyo sandig sa recommendation sang National Inter-Agency Task Force.

Leave a Reply

Your email address will not be published. Required fields are marked *

Secured By miniOrangeSecured By miniOrange