Balita Hiligaynon

Ginsarado sumugod subong nga adlaw tubtob sa Biyernes ang Guihulngan City Hall sa Negros Oriental matapos mag positibo sa COVID-19 ang tatlo ka empleyado sang siudad.Sa ginpagwa nga public advisory ni Mayor Carlo Jorge Joan Reyes, iya ginpahayag nga ila ipaidalom sa mass testing ang mga apektado nga opisina agud indi na maglapta pa ang virus.Temporaryo nga maga work from home lang ang mga empleyado sang siudad magluwas nalang sang mga personnel sang Health Services office, DRRM office, General, Social, Agriculture kag Postal Services office.Sa masunod nga Martes na suno sa alkalde maga balik sa normal ang operation sa city hall magluwas na lang sa mga nag positibo sa COVID-19.

Base sa 5AM nga severe weather bulletin sang PAGASA, magadala sang madamul nga pag-ulan ang bagyo kag ang tail-end of the cold front madamo nga bahin sang Luzon kag Visayas.Ang bagyo ang nag-landfall sa Pola, Oriental Mindoro alas tres ymedia kaina sang aga kag nagapadulong sa Northwest nga direksyon nga may kadasigon nga 25 km/h.Ini ang may dala nga maximum sustained winds ngga 125 km/h malapit sa sentro kag may pagmadlos nga tubtub sa 180 km/h.Ginapaabot si Quinta nga magwa sa Philippine Area of Responsibility bwas aga.Nagapaandam ang PAGASA sa publiko ilabi na sa mga lugar nga napaidalum sa Tropical Cyclone Wind Signal nga mag-atligmat sa mahimo pagluntad sang flash flood, landslide kag mabaskug nga hangin ilabi na sa kadagatan.TCWS #3(121-170 km/h winds prevailing) ...

Hinigaran PNP photoPatay na sang masapwan Biyernes sang kaagahon si Bartolome Onlayao nga number 3 sa top 10 drug personality sang siudad sang Kabankalan.Nasapwan ang iya nga bangkay nga may igu sang bala sa ulo sa hilamunan sa Barangay Pilar sa banwa sang Hinigaran.Suno sa hepe sang Hinigaran PNP nga si Police Majorr John Ganzon, posible may kaangtanfan sa iligal nga droga ang pag patay kay Onlayao bangud natukiban nga miyembro man siya sang Bugalon Drug Group.Sang tinalikdan nga Martes, Oktubre 20, ginpatay man sang wala makilal-an nga riding in tandem sa siudad sang Himamaylan si Rolyn Gutierres nga miyembro man sang Bugalon Drug Group.Ginahibalo pa sang PNP kun may kaangtanan ang pag patay sa duha ka mga persona.

Moises Padilla PNP photoPatay ang isa ka tuig nga bata nga si Princess Eustanio matapos malumos sa sapa sa Barangay Guinpana-an sa Moises Padilla.Suno kay Reynald Horegue, pamuno sang Moises Padilla Disaster Risk Reduction and Management Office, ang bata ang naga hampang lang upod sang iya 8 anyos nga magulang sa gwa sang balay sang ila lola nga malapit sa sapa, alas syete kaina sang aga.Ginbayaan sang makadali sang iya nga magulang ang manghod suno kay Horegue kag sa iya pagbalik, wala na ang iya nga utod.Ang mga opisyales sang barangay kag ang MDRRMO ang nag bulig sa pamilya para makita ang bata.Malapit na las 10 sang aga sang nakita ang 1 ka tuig nga bata nga naga lutaw sa sapa malapit lang sa ila balay.Ginapat-od pa sang rescuers kun bala aksidente lang nga nahu...

Claudine Valdevia Santiso photoPila ka mga pumuluyo ang na-stranded matapos nga tuman nagtaas ang tubig sa overflow, sakop sang Barangay Amin sa banwa sang Isabela.Sa mga litrato nga kuha ni Claudine Valdevia Santiso makita ang mabaskog nga duludo sang tubig kag mga na-stranded nga pumuluyo kaina sang hapon.Suno kay Santiso nga pumuluyo sang amo nga lugar, mabunok ang ulan rason sang pagbaha sa ila nga lugar.Naglawig suno sa iya sa tatlo ka oras ang antes nag-amat amat tahaw ang tubig baha.As of this posting, wala sang kuryente sa lugar suno kay Santiso.Nakatigayon naman tabok ang mga na-stranded nga pumuluyo.Suno naman kay Zeaphard Caelian, ang pamuno sang Provincial Disaster Management Program Division may pre-emptive evacuation nga gin patuman sa banwa sang I...

Video courtesy of Rey LugatimanBangud sang tuman ka todo nga ulan nga dala sang bagyo, nag saka tubtob hawak ang baha kaina sang aga sa Sitio Daro, Barangay Nagbualao sa Basay, Negros Oriental.Sa video nga kuha sang netizen nga si Rey Lugatiman, makita ang pag rescue sa mga pumuluyo nga apektado bangud sang pag saka sang tubig baha sa ila lugar.Onse tanan ka persona ang na rescue sang local DRRMO sang banwa upod sang Basay PNP.Anum sa ila ang suno sa pulis yara karon sa evacuation center samtang padayon pa ang pagbunok sang ulan sa ila nga banwa.

Base sa pinaka-ulihi nga severe weather bulletin sang PAGASA, nagapadulong na malapit sa Catanduanes, Albay kag Sorsogon area ang tropical storm nga si Quinta.Ini ang may maximum sustained winds nga 75 k/h malapit sa sentro kag may pagmadlos nga tubtub sa 90 km/h.Nagapadulong ini sa Westward nga direksyon nga may kadasigon nga 20 km/h.Ginapaabot sang PAGASA nga magalabay si Quinta sa Southern Luzon tubtub bwas nga adlaw kag magagwa sa Philippine Area of Responsibility sa Martes.Magadala sang madamul nga pag-ulan ang bagyo sa pila ka bahin sang Luzon, Visayas kag Mindanao kasubong man sang makusog nga hangin nga magatuga sang mabalud nga kadagatan.Napaidalum sa Tropical Cyclone Wind Signal Number 2 ang masunod nga mga lugar:LUZON - Catanduanes, Camarines Norte, Camar...

Photo courtesy of Mayor Richard JaojocoGinpakamaayo ni Mayor Richard Jaojoco nga magpangita sang ma rentahan nga balay sa Bacolod City agudto may ma teniran ang mga taga Toboso nga naga serbe nga watcher sang pasyente nga na-admit sa Corazon Locsin Montelibano Memorial Regional Hospital.Damlag pa, wala na gintugutan sang tagdumalahan nga magsulod sa ospital ang mga watcher sang pasyente para malikawan ang paglapta sang COVID-19.Suno sa alkalde iya nakita ang mabudlay nga kahimtangan sang mga watcher sang pasyente nga yara naga tenir sa sidewalk.“Nag-renta na lang ta balay para may matulugan man sila sang insakto sa gab-i kag paliguan man."Naglantaw ako sa ila, the other night, nakita ko gid naga ulan pa tapos ara lang sila basically sa sidewalk na kun mukusog, basa gid ...

Indi na luyag pa magpakilala sang amo nga netizen nga naka lantaw sang istorya ni Julius Barbosa sa Digicast Negros X. Natandog ang iya balatyagon sang nakita ang paghimakas sang soltero.Personal nga gindaho sang Digicast Negros ang kwarta sa kay Julius.Damlag pa nag-trending ang litrato ni Julius nga naga sabat sa module samtang naga baligya sang balut.Suno kay Julius gamiton niya ang kwarta para ipakaayo ang trisikad nga iya gina gamit sa paglibod sang balut. (Ang istorya sa likod sang viral photo sang balut vendor sa Victorias City)

May dugang nga dose ang COVID-19 cases sang siudad sang Kabankalan.As of October 23, 160 ang active COVID-19 cases sang siudad.Sa report sang Kabakalan LGU, onse sa dose mga close family contact sang 34 anyos nga babaye nga nagtaliwan sadtong Oktubre 14. Siya ang pinaka una nga nagtaliwan nga positibo sa virus.May 145 naman nga gin-report naka recover sa COVID-19.Damlag pa ginsiling ni Mayor Pedro Zayco nga kun nagtimbuok man ang kaso nila sa COVID-19 ini natungod nagpatigayon sila sang mass testing.Ginalauman ni Zayco nga sa masunod nga semana maga nubo na ang kaso sang COVID-19 sa siudad.Padayon naman ang panawagan sang alkalde sang kooperasyon sang pumuluyo sa pagsunod sang health protocol.Mas ginpahugot pa gid ang pagpatuman sang pag gamit sang face mask...