Balita Hiligaynon

Rennier Araco Jr. photoWala nakapugong ang hugot nga protocol sa Dumaguete City para sa pag baligyaanay sang iligal nga droga.Bisan pa yara sa modified enhanced community quarantine ang siudad, natigayon sa gihapon sang Biyernes ang buybust operation batuk sanday Melchor Gonzaes kag Michelle Torres.Nakuha sa duha ang isa ka dako nga wrapper sang gina patihan shabu lakip na ang isa ka medium sachet.Naga balor sa 680 mil pesos ang nakuha nga droga sa mga suspek. Magluwas sa shabu, nakuha man sa mga suspek ang isa ka 45 caliber nga armas nga may unod nga bala.Kaso nga paglapas sa ra 9165 ang ginpasaka batuk sa ila.

Padayon ang pagpadala sang probinsya sang supply sang baboy sa Luzon kag sang nagligad lamang nga semana masobra sa isa ka libo ka baboy ang na ship out sa Luzon kag pila ka bahin sang Visayas.Suno kay Dr Renante Decena, ang tayuyon nga pag supply sang baboy padulong sagwa sang probinsya ang naga pa estable sa presyo sang baboy sa probinsya bangud nagakalikawan ang oversupply.Padayon man ang kampanya sang probinsya kontra African swine fever.As of June 17, humalin sa bulan sang Enero, may masobra sa 675 ka kilo sang mga pork products na na confiscate sa ports, airport kag checkpoint sang LGU.Ini ang naga balor sang masobra sa 360,000 pesos. Hugot man ang pagbantay sa mga naga sulod sang salakyan kag mga refrigerated container vans sa mga entry points.

Sa tatlo ka sunod-sunod nga report sang Provincial Incident Management Team wala naga nubo sa walo ang recorded Covid-19 deaths sa Negros Occidental.Sa June 17 nga report, onse ang recorded Covid-19 deaths, sa June 16 naman, walo kag sa June 15 dose ang gin-report napatay.Suno kay Provincial Administrator Rayfrando Diaz, ila na nga gina pa lantaw ang ini nga mga Covid-19 deaths nga naga lakip sang datus angut sa kondisyon sang pasyente, edad, co-morbidity kag iban pa.Kag bilang tikang, suno sa provincial administrator, nagmando na ang gobernador sang pagbakal sang 16 ka mga high flow oxygen machine.Daw kasubong sa ventilator ang function nga maga bulig sa pag ginhawa sang pasyente, pero non-intrusive.Ini ang igabutang sa mga ospital sang probinsya sa Valladolid, Silay kag C...

Talatapan sang City Agriculturist sa Bago City ang ginpasira subong nga adlaw para sa disinfection kag decontamination.Suno kay Bago City Mayor Nicholas Yulo ini matapos magpositibo sa Covid 19 ang city agriculturist.Padayon pa nga gina patigayon ang contact tracing. Sa announcement sang Bago Agriculture pagesa lunes magabalik bukas ang talatapan.Samtang, nag pa gwa naman sang public address si Yulo angut sa Covid-19 situation sa siudad.Ang datus suno sa iya ang maka alarma na ilabi na nga sa sulod sang anum ka bulan pa lamang sang 2021, 702 ang na re-cord nga Covid-19 cases, masobra sa duha ka pilo ang pagsaka kun ipaangid sa bilog nga tuig sang 2020, nga may 331 ka recorded cases.Bahin naman sa Covid related deaths, as of June 17 suno kay Yulo 22 na ang na-record. Sa ...

Sagay PNP photoPatay ang magasawa nga Emrelito kag Melani Desamparado matapos tiruhon sang wala pa makilal-an nga persona sakay sa motorsiklo sa Barangay Molocaboc sa sudadad sang Sagay.Sa imbestigasyon sang Sagay PNP, gin sugat sang mister ang iya misis nga isa ka manunudlo halin sa iya sina gina ubrahan nga eskwelahanSang gulpi lang mag labay ang motorsiklo sakay sang suspek sang sila ang gin pang tiro.Patay pareho sa pagpaniro ang duha.Padayon pa ang imbestigasyon sang pnp kun ano ang motibo sa pagpatay sa ila.

Calatrava PNP photoPatay ang 28 anyos nga misis matapos ini tiruhon sang iya mismo nga mister sang kahapon sa Barangay San Isidro sa Calatrava.Sa imbestigasyon sang PNP, naga inaway ang mag asawa sa sulod sang ila nga kwarto sang hinali na lang gintiro sang 32 anyos nga mister ang iya misis sa iya sini nga dughan.Dead on arrival sa ospital ang misis.Pagpangimon amo ang isa sa motibo nga gina tan-aw sang PNP sa natabo nga insidente.

Police Station 6 photoNagahigda na ang bangkay sang tricycle driver nga si Arnold Bayking,44 anyos sang maabtan sang katapo sang Police Station 6 sa Sharina Heights Subdivision sa Bacolod Huwebes sang gab-i.May mga pilas siya sa ulo kag lawas tuga sang igo sang bala sang wala pa mahibaluan nga calibre sang pusil.Nagluntad ang pagpaniro sa tabok lang sang karsada nga malapit sa atubang sang Police Station 6.Suno kay Police Major Leo Estopa,commander sang Police Station 6, ang biktima nga may pasahero nga babaye ang gintuparan sang gunman nga naga angkas sa motorsiklo kag gilayon nga gintiro.Personal nga dumot kag agrabyo ang kabahin sa ila gina lantaw nga motibo sa nagluntad nga krimen."According ni sa aton nga witness ang hambal niya may dako ka nga sala,daw amo na ...

PIMT photoSa mga banwa ukon siudad nga may manubo nga utilization sa Covid-19 vaccine, kinahanglan nga mapa ubos anay nila ang nabaton nga supply antes makabaton sang dugang nga Covid-19 vaccines.Ini suno kay Provincial Administrator Rayfrando Diaz. Ang siudad sang kabankalan sa report sang gobyerno probinsyal sa vaccine roll out sang hwebes ang may pinaka madamo nga wala nagamit nga bakuna.Sa 250 ka vials sang sinovac vaccine nga gindul-ong, 71 lamang ang nadapat, may 179 ka wala magamit. Suno kay Diaz, may observer ang probinsya subong nga adlaw para maglantaw sang performance.Kabahin sa guidelines sa vaccination roll out nga ginapatuman karon sang probinsya amo ang adlaw adlaw nga monitoring sa compliance sa vaccination program. Ang mga field nurse ang direktaNga naga ha...

May lima ka mga area sa Negros Occidental kun sa diin ginpahamtang ang boundary quarantine control points ukon BQCP.Ini kasunod sang mando ni Negros Occidental Governor Eugenio Jose Lacson nga estriktuhan ang border sa tunga sang Oriental kag Occidental Negros.Ang mga BQCP ang ginpahamtang sa Kabankalan City ang boundary sang probinsya sa Negros Oriental, sa San Carlos City nga boundary sa Vallehermoso, sa isabela nga boundary naman sang Occidental Negros sa Guihulngan City, Hinobaan nga boundary sang probinsya sa Basay, Negros Oriental kag sa La Castellana nga boundary naman sang Occidental Negros sa Canlaon City sa Oriental Negros.Base sa executive sang gobernador indi anay pasugtan ang non essential travel amo kun ngaa mangin estrikto ang pag bantay sa sini nga mga boundarie...