Sa mga banwa ukon siudad nga may manubo nga utilization sa Covid-19 vaccine, kinahanglan nga mapa ubos anay nila ang nabaton nga supply antes makabaton sang dugang nga Covid-19 vaccines.
Ini suno kay Provincial Administrator Rayfrando Diaz. Ang siudad sang kabankalan sa report sang gobyerno probinsyal sa vaccine roll out sang hwebes ang may pinaka madamo nga wala nagamit nga bakuna.
Sa 250 ka vials sang sinovac vaccine nga gindul-ong, 71 lamang ang nadapat, may 179 ka wala magamit. Suno kay Diaz, may observer ang probinsya subong nga adlaw para maglantaw sang performance.
Kabahin sa guidelines sa vaccination roll out nga ginapatuman karon sang probinsya amo ang adlaw adlaw nga monitoring sa compliance sa vaccination program. Ang mga field nurse ang direkta
Nga naga hatag sang report. Sa aga gina dul-ong ang supply kag pagkahapon ginakuha balik ang waste material matapos ma-disinfect kag ini ang igabalik sa department of health.
Kahapon halos 3,000 ka bakuna ang gindul-ong sa 13 ka mga LGU. Sa masunod nga semana ang Pfizer naman nga sini lamang nag-abot ang igabakuna.
“Before we were lagging behind sa compliance sina. As a way of facilitating everything amo na na. Gina dul-ong namon sa aga. Hulaton, tan-awon ang ila performance at the end of the day ang report kag ang mga waste materials, gina disinfect kag gina gather naton ang waste materials kag ipadala sa doh dayon without delay. So, that’s it isa ka adlaw tapos tanan ang obra,” suno kay Diaz.