Shadow

Tricycle driver patay matapos nga gintiro

Police Station 6 photo

Nagahigda na ang bangkay sang tricycle driver nga si Arnold Bayking,44 anyos sang maabtan sang katapo sang Police Station 6 sa Sharina Heights Subdivision sa Bacolod Huwebes sang gab-i.

May mga pilas siya sa ulo kag lawas tuga sang igo sang bala sang wala pa mahibaluan nga calibre sang pusil.

Nagluntad ang pagpaniro sa tabok lang sang karsada nga malapit sa atubang sang Police Station 6.

Suno kay Police Major Leo Estopa,commander sang Police Station 6, ang biktima nga may pasahero nga babaye ang gintuparan sang gunman nga naga angkas sa motorsiklo kag gilayon nga gintiro.

Personal nga dumot kag agrabyo ang kabahin sa ila gina lantaw nga motibo sa nagluntad nga krimen.

“According ni sa aton nga witness ang hambal niya may dako ka nga sala,daw amo na ang naka ano sa ila. Wala ta naka ano gid kun natumod to sa biktima ukon sa babaye ni,amo na ginatutukan natun. Gina check ta man ang background sang babaye,” suno kay Estopa.

Secured By miniOrangeSecured By miniOrange