Shadow

May 5 ka mga boundary quarantine controls sa Negros Occidental

May lima ka mga area sa Negros Occidental kun sa diin ginpahamtang ang boundary quarantine control points ukon BQCP.

Ini kasunod sang mando ni Negros Occidental Governor Eugenio Jose Lacson nga estriktuhan ang border sa tunga sang Oriental kag Occidental Negros.

Ang mga BQCP ang ginpahamtang sa Kabankalan City ang boundary sang probinsya sa Negros Oriental, sa San Carlos City nga boundary sa Vallehermoso, sa isabela nga boundary naman sang Occidental Negros sa Guihulngan City, Hinobaan nga boundary sang probinsya sa Basay, Negros Oriental kag sa La Castellana nga boundary naman sang Occidental Negros sa Canlaon City sa Oriental Negros.

Base sa executive sang gobernador indi anay pasugtan ang non essential travel amo kun ngaa mangin estrikto ang pag bantay sa sini nga mga boundaries sa pihak sang pagsaka sang kaso sang Covid-19 sa duha ka mga probinsya. Nag sugod ang mga BQCP sang Hunyo kinse tubtob Hunyo 30.

Leave a Reply

Your email address will not be published. Required fields are marked *

Secured By miniOrangeSecured By miniOrange