Shadow

Indi magnubo sa 8 ang patay sa Covid-19 sa tatlo ka mga report sang PIMT

Sa tatlo ka sunod-sunod nga report sang Provincial Incident Management Team wala naga nubo sa walo ang recorded Covid-19 deaths sa Negros Occidental.

Sa June 17 nga report, onse ang recorded Covid-19 deaths, sa June 16 naman, walo kag sa June 15 dose ang gin-report napatay.

Suno kay Provincial Administrator Rayfrando Diaz, ila na nga gina pa lantaw ang ini nga mga Covid-19 deaths nga naga lakip sang datus angut sa kondisyon sang pasyente, edad, co-morbidity kag iban pa.
Kag bilang tikang, suno sa provincial administrator, nagmando na ang gobernador sang pagbakal sang 16 ka mga high flow oxygen machine.

Daw kasubong sa ventilator ang function nga maga bulig sa pag ginhawa sang pasyente, pero non-intrusive.

Ini ang igabutang sa mga ospital sang probinsya sa Valladolid, Silay kag Cadiz kasubong man healing centers para indi na kinahanglan pa i-refer ang mga pasyente sa iban nga bulungan.

Posible sa madason na nga semana maga abot ang mga machine.

“Kun gutok na for example ang Corazon Locsin, kami na lang ma manage sang amon nga patients using the high flow. Ang effect ya is to help you breathe parehos na siya sa aton ventilator pero indi siya ya intrusive sa body sang tawo. I-emergency purchase na siya because it was triggered by the lack of facilities sa aton sa corazon locsin, hopefully, next week ara na siguro,” suno kay Diaz.

Leave a Reply

Your email address will not be published. Required fields are marked *

Secured By miniOrangeSecured By miniOrange