Balita Hiligaynon

Jun182021 by Martian MuycoNo Comments

Menor de edad arestado matapos magpamuno

Sagay PNP photoGin aresto sang kapulisan sang Miyerkules ang isa ka 16 anyos nga lalaki matapos niya gin sulong ang 30 anyos nga si Ricky Alvarado sa iya sini balay sa Barangay Old Sagay sa siudad sang Sagay, kag gin buno buno.Nag agum sang multiple stab wounds ang biktima nga karon padayon nga gina bulong sa ospital.Suno sa pulis, posible indi pag intyindihanay amo ang motibo sang menor de edad para bun-on si Alvarado.Na recover man sang kapulisan ang iya sini gin usar nga kutsilyo sa pagbuno sa biktima.

Jun172021 by Romeo SubaldoNo Comments

Bacolod EOC may paandam sa laboratoryo kun wala naga copy furnish sang RT PCR test result sa EOC

Balita Hiligaynon, Digicast Negros X

[embedyt] https://www.youtube.com/watch?v=lkFlPbqUslY&live=1[/embedyt]Mahimo maga pangatubang sang kaso nga pagsupak sang Republic Act 11332 ukon ang Law on Reporting Communicable Diseases ang isa ka laboratoryo nga naga patigayon sang RT PCR test kag wala gina copy furnish ang Bacolod Emergency Operations Center sang resulta sang RT PCR test.Ini ang suno sa kay EOC deputy for medical and data analysis Dr. Chris Sorongon. Suno sa iya, dapat ang tanan nga mga molecular laboratory nga accredited sang siudad sang Bacolod naga copy furnish sa ila sang resulta sang tanan nga ginahimo sang RT PCR test sa kada adlaw.Ini matapos nga may nagwa nga mga impormasyon nga may laboratoryo nga naga patigayon sang RT PCR test pero wala gina copy furnish ang EOC sang resulta sang swab test. ...

Jun172021 by Barbara MijaresNo Comments

8 ka personnel sang Rural Health Unit sang Hinobaan kag 5 nila ka close contacts nag positibo sa Covid-19

Balita Hiligaynon

Ginmando ni Mayor Ernesto Estrao ang temporaryo nga pagsira sang Rural Health Unit sang Hinoba-an kasubong man sang birthing unit matapos may mga personnel nga nagpositibo sa COVID 19.Suno sa alkalde, isa ka technologist sang Municipal Health Office ang una nga nagpositibo sa virus.Sa ginpatigayon nga contact tracing, suno sa RHU dose ka mga close contact ang nagpositibo sa virus.Sa datus sang RHU, sa dose ka COVID positive, 7 ang personnel sang RHU, isa ang empleyado sang LGU kag apat mga family members sang mga close contact.Suno kay Mayor Estrao mga nurse kag midwife ang nag positibo nga RHU personnel.Padayon naman ang contact tracing kasunod sang pag gwa sang mga resulta.Sa Lunes na magabukas balik ang RHU kag birthing unit.“Ma meeting ko sa akon local task ...

Jun172021 by Nico DelfinNo Comments

1,950 ka mga vials sang Pfizer nga bakuna para sa Negros Occidental nag abot na

Balita Hiligaynon

CAAP-Bacolod photo1,950 ka vial sang Pfizer vaccine ang nag-abot sa probinsya kaina sang aga.11,700 ka dose ini ukon tig anum ka dose sa isa ka vial. Ini ang una nga batch sang Pfizer vaccine nga nag-abot gikan sa national government.Suno kay Zeaphard Caelian ang Provincial Incident Mangement Team commander ini ang gindala sa storage facility sang probinsya kag Teresita Lopez Jalandoni Provincial Hospital bangud ini ang nagakinahanglan sang ultra low storage facility.Sa karon yara sa A1 to A3 categories sa pagbakuna ang Negros Occidental. Suno kay Caelian padayon ang paghaylo sang provincial government sa publiko ilabi na nga nabalaka si Governor Eugenio Jose Lacson sa Covid related deaths sa probinsya.Sa June 16 nga report sang pimt walo ang Covid related deaths, sa Ju...

Jun172021 by Nico DelfinNo Comments

May masobra sa 22,000 na ka mga minimum health protocol violators ang Bacolod humalin Enero

Balita Hiligaynon

Protocol violators sa Bacolod humalin sang Enero tubtob Hunyo 13, nag lapwaw na sa beinte dos mil.Sini lang nga bulan, humalin Hunyo 1 tubtob 13, may 2,761 na tanan ka mga persona ang nag violate sang health protocols.. Kalabanan diri wala naga suksok sang face mask kag nagapangduha naman ang mga wala sang face shield.Pero kun humalin sang Enero uno, nag lab-ot na sa 22,169 ang protocol vioaltors sa siudad.Suno pa kay Major Sherlock Gabana, PIO sang Bacolod City Police Office, gina hugtan na karon sang kapulisan ang pag bantay sa mga pumuluyo batuk sa pag violate sang health protocols pero madamo sa gihapon sila sang ginadakop.Dugang pa ni Gabana, isa sa mahimo rason nga madamo sa gihapon ang anga violate amo nga gamay lang ang penalty sa mga violators gani padayon sa gihap...

Jun172021 by Nico DelfinNo Comments

Charter Day sang Bacolod kanselado

Balita Hiligaynon

Natalana nga Charter Day celebration sang Bacolod sa bwas nga adlaw kanselado.Nagpagwa sang kahapon sang statement si Bacolod City Mayor Evelio Leonardia nga kanselado anay ang 83rd Charter Day Celebration sang Bacolod nga natalana sa bwas nga adlaw.Suno sa alkalde ipostpone anay ang kahiwatan bangud sang Covid-19 situation sang Bacolod. Ang chief legal counsel ni Presidente Rodrigo Duterte nga si Atty. Salvador Panelo kun tani ang dinapit nga bisita sang siudad para sa amo nga kahiwatan.Bisan wala sang selebrasyon bwas maga pabilin nga special non working holiday sa Bacolod bwas mga adlaw.

Jun172021 by Nico DelfinNo Comments

Moratorium sa biyahe padalong iloilo gin lift na

Balita Hiligaynon

Gin dula na ang moratorium sa pagbiyahe sang mga fast craft vessel padulong Iloilo city gikan sa Bacolod.Nakit-an ang hinali nga pagdamo sang mga pasahero sang fast crafts sang kahapon matapos ma lift na ang travel moratorium.Sa executive order ni Iloilo City Mayor Jerry Trenas nga naga extend sang modified enhanced community quarantine sa ila nga siudad, lifted na ang moratoriun sa outbound kag inbound nga mga biyahe sumugod sang Miyerkules.Gin lift naman ang border control pati na ang pag gamit sang quarantine pass.Ini ang naga kahulugan nga gina tugtan na sa Iloilo City ang non essential travel sang mga gikan sa Negros.

Jun172021 by Martian MuycoNo Comments

Lalaki nga naga sala sang motorsiklo patay matapos mabungguan sang AUV

Balita Hiligaynon

San Carlos PNP photoPatay and nagadala sang motorsiklo nga si Rodemar Dayanan sang Martes matapos mabungguan sang toyota innova ang iya gina nga motor sa highway sa barangay rizal sa siudad sang San Carlos.Suno sa pulis, posible nag overtake ang AUV nga gina maneho ni Sukhjit Sidhu, isa ka Indian national, sa gina sundan sini gani nag lapaw siya sa lane sang motorsiklo kag iya in inabungguan.Dead on arrival sa ospital si Dayanan.Nag agum man sang minor injuries ang Indian national pati na ang iya duha ka kaupod sa salakyan.May initial settlement naman ang nakabunggo sa pamilya sang biktima suno sa pulis.

Jun172021 by Barbara MijaresNo Comments

Kaso sang rabies sa Negros Occidental nagsaka sang 39%

Balita Hiligaynon

PVO photoNagsaka sa 39 porsiento ang kadamuon sang rabies cases sandig sa record sang Provincial Veterinary Office.Sa datus sang Provincial Vet humalin Enero tubtob sa bulan sang Mayo, may 13 tanan ka kumpirmado nga rabies cases gikan sa walo ka mga banwa kag siudad, mas mataas kun ipaanggid sa recorded cases sang 2020.Sa kasubong nga tion sang nagligad nga tuig, anum ang recorded rabies cases.Suno sa Provincial Vet ang pagsaka sa kaso natungod sang mga gin patuman nga Covid-19 restriction sang nagligad nga tuig. 46.95 percent lamang sa total dog population, ukon masobra sa 126,000 lamang ka ido ang nabakunahan sang 2020.Ang target kuntani 70 percent sang population sang ido ang mabakunahan para malambot ang herd immunity.As of May 2021, ang siudad sang Himamaylan, ...

Jun172021 by Martian MuycoNo Comments

Mga salakyan gina inspeksyon kun bala gina sunod ang minimum health protocols

Balita Hiligaynon

Border control checkpoints liwat nga ginpabaskog para estrikto nga mapatuman ang minimum health standard protocol.Setyembre pa sang nagligad nga tuig nga ginabantayan sang katapo sang Bago City PNP ang natukod nga border checkpoint sa Barangay Taloc sa siudad sang Bago.Gani liwat man nila ginpabaskog ang pagbantay agud estrikto nga mapatuman ang mga pagsulundan angut sa minimum health standard protocol.Nalakip sa ila ginapasiguro nga may suksok nga facemask kag faceshield ang mga sakay aa nagalinabay nga salakyan, ilabi na ang public transport nga naga-gwa sulod sa nasakpan sang siudad.Hugot man nga ginabantayan sang mga pulis upod sa katapo sang Traffic Management Office ang mga bus, jeep, van kag tricycle para mapasiguro ang physical distancing sa mga pasahero ilabi na ka...