Shadow

13 ka mga balay sa Barangay Bata sa Bacolod nagkalasunog

Nagadaba daba na ang kalayo nga madasig naglamon sa pila ka mga balay sang mamutikan sang mga residente sang Purok Riverside sa Barangay Bata sa Bacolod kaina sang aga.

Gani kadam an sa ila tuman ang pagtalangison sang makit-an nga gintupok na sang kalayo ang ila ginpangabuldayan sa pagpatukod nga balay.

Suno kay Fire Chief Inspector Rodel Legaspi, city fire marshall sang Bacolod City, nagsugod ang kalayo sa balay ni Ivy Zulueta pero tubtob karon indi pa mapat ud kun ano ang ginhalinan sang kalayo.

Kapin sa dos shientos mil pesos ang natuga nga halit sang sunog.

Kadam an sa mga balay himu sa light materials gani may katorse tanan ka puluy an ang natupok sang kalayo sandig man sa records sang barangay.

Ginpangdala na sa evacuation center ang masobra sa napulo ka pamilya nga nawad an sang puluy an.

Kadam an sa ila nagahinyo sang bulig bangud halos wala man sila sang nasalbar nga pagkabutang sang magluntad ang sunog.

Leave a Reply

Your email address will not be published. Required fields are marked *

Secured By miniOrangeSecured By miniOrange